29 мая, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Азербайджана Ільхама Аліева з нацыянальным святам - Днём Рэспублікі. Аб гэтым БЕЛТА паведамілі ў прэс-службе беларускага лідара.
"Высокія дасягненні вашай краіны ў розных галінах прызнаны сусветнай супольнасцю і з'яўляюцца арыенцірамі для многіх дзяржаў", - адзначыў кіраўнік дзяржавы.
Аляксандр Лукашэнка выказаў перакананне, што ўзаемнае імкненне да развіцця актыўнага двухбаковага дыялогу будзе і ў далейшым садзейнічаць паглыбленню і пашырэнню ўзаемавыгаднага беларуска-азербайджанскага супрацоўніцтва.-0-
