Мабільная версія
ДЗЯРЖОРГАНЫ
Апошнія навіны
Усе навіны

Лукашэнка разлічвае на актыўную падтрымку ЕБРР малога і сярэдняга бізнесу ў Беларусі

Прэзідэнт 14.09.2017 | 10:55
Аляксандр Лукашэнка і Сума Чакрабарці
Аляксандр Лукашэнка і Сума Чакрабарці

14 верасня, Мінск /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка разлічвае на актыўную падтрымку Еўрапейскім банкам рэканструкцыі і развіцця малога і сярэдняга бізнесу ў краіне. Аб гэтым кіраўнік дзяржавы заявіў сёння на сустрэчы з прэзідэнтам ЕБРР Сумам Чакрабарці, перадае карэспандэнт БЕЛТА.

"Адна з просьбаў, якую я хачу адрасаваць вам, якраз у трэндзе Еўрапейскага банка рэканструкцыі і развіцця - гэта падтрымка малога і сярэдняга бізнесу. Мы цяпер выключную ўвагу вырашылі ўдзяліць гэтаму напрамку развіцця эканомікі нашай краіны. Будучая пяцігодка будзе накіравана менавіта на тое, каб разняволіць ініцыятыву канкрэтных людзей, невялікіх калектываў, надаць большую дынаміку здольнасцям чалавека, - сказаў Аляксандр Лукашэнка. - Маючы ў краіне стабільнасць, бяспеку і кіруемасць, мы хацелі б прадаставіць ініцыятыўным людзям больш свабоды ў самарэалізацыі, перш за ўсё ў вытворчай сферы, у сферы паслуг. Мы вельмі разлічваем на вашу падтрымку".

Беларускі бок гатовы абмяркоўваць і іншыя праекты, у тым ліку ў банкаўскай сферы. "Мы даволі значна рушылі да канкрэтыкі. Вы дапамагаеце крэдытаваць нашы праекты праз нашы банкі", - канстатаваў Прэзідэнт.

Кіраўнік дзяржавы заўважыў, што Беларусь і Еўрапейскі банк рэканструкцыі і развіцця супрацоўнічаюць ужо доўгія гады. "Кажуць, што дыялог - гэта прадвеснік добрых, вялікіх спраў. Але ў гэтым выпадку ў нас дыялог з'яўляецца не толькі прадвеснікам вялікіх спраў, а іх прадаўжэннем. За час работы вы інвесціравалі ў Беларусь амаль $2 млрд. Гэта вельмі вялікія грошы. Што радасна (я гэта вельмі высока цаню), гэтыя грошы працуюць непасрэдна на людзей, гэта звязана з беларускім народам. Вы інвесціруеце ў тыя сферы, якія аказваюць паслугі нашаму насельніцтву", - звярнуў увагу Аляксандр Лукашэнка.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дзень без аўтамабіля ў Мінску Вадзіцелі 22 верасня могуць бясплатна карыстацца грамадскім транспартам Мінска пры прад'яўленні правоў і тэхнічнага пашпарта на аўто.