5 верасня, Мінск /Уладзімір Мацвееў - БЕЛТА/. Тэма прадухілення нядбайнасці і неапраўданых эканамічных страт у час уборачнай кампаніі абмяркоўвалася на нарадзе Прэзідэнта Беларусі Аляксандра Лукашэнкі з кіраўніцтвам Дзяржаўнага сакратарыята Савета бяспекі Беларусі, праваахоўных органаў і ведамстваў сістэмы забеспячэння нацыянальнай бяспекі, перадае карэспандэнт БЕЛТА.
"Даваліся даручэнні забяспечыць строгі кантроль за арганізацыяй і ходам уборачнай кампаніі. Мы павінны былі нарэшце навесці парадак па прадухіленні ўсялякай нядбайнасці, неапраўданых эканамічных страт, крадзяжоў, злоўжыванняў, махінацый і іншага", - адзначыў кіраўнік дзяржавы.
Ён звярнуў увагу, што даручаў праваахоўным органам, пракурорскім работнікам актыўна падключыцца да пытанняў навядзення парадку і дысцыпліны, асабліва ў важны момант уборачнай кампаніі.
"Ніякага вяртання да савецкай сістэмы тут няма, хоць і ў савецкі час было шмат добрага, што мы спрабуем захаваць. Проста хачу сказаць, што гэта нядбайнасць потым нам дорага абыходзіцца. Можаце палічыць, калі б мы страцілі, як заўсёды ў нас плануюць вяскоўцы і кіраўнікі сельгаспрадпрыемстваў, 10 працэнтаў ураджаю (гэта, нібыта, натуральныя страты). З 10 млн т (збожжавых. - Заўвага БЕЛТА) сабранага страцілі б 1 млн т. Памножце на $200 прыкладна - сусветная цана. Грубы падлік дае нам страты", - сказаў Прэзідэнт.
"Што вас непакоіла ў час уборкі, на што трэба будзе звярнуць увагу?" - пацікавіўся беларускі лідар.-0-
