6 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка прыме сёння ўдзел ва ўрачыстым адкрыцці Рэспубліканскага цэнтра алімпійскай падрыхтоўкі па мастацкай гімнастыцы (Палац гімнастыкі), які размясціўся на праспекце Пераможцаў у Мінску. Аб гэтым БЕЛТА паведамілі ў прэс-службе кіраўніка дзяржавы.
Аляксандру Лукашэнку даложаць аб выкананні яго даручэнняў па будаўніцтве спартыўнага комплексу, затым ён азнаёміцца з функцыянальнымі магчымасцямі цэнтра.
Чакаецца, што ў адкрыцці Палаца гімнастыкі прымуць удзел вядомыя алімпійскія чэмпіёнкі Беларусі і Расіі і іншыя знакамітыя атлеты, у тым ліку прэзідэнт Еўрапейскага саюза гімнастыкі Фарыд Гаібаў.
Рашэнне аб будаўніцтве Рэспубліканскага цэнтра алімпійскай падрыхтоўкі па мастацкай гімнастыцы было прынята Прэзідэнтам Беларусі Аляксандрам Лукашэнкам. Актыўная фаза работ пачалася ў кастрычніку 2016 года. Комплекс для мастацкай гімнастыкі ўключае ў сябе дзве вялікія трэніровачныя залы, дзве залы для груп пачатковай падрыхтоўкі, чатары залы харэаграфіі, залу аэробікі, а таксама басейн, дзве саўны, трэнажорную залу, салярый, кафэ, гасцінічны блок на 18 месц, кардыязону, кабінет фізіятэрапіі, масажны кабінет, працэдурныя памяшканні і пакоі адпачынку для спартсменак і трэнераў, адміністрацыйны блок.-0-