24 чэрвеня, Ташкент - Уладзімір Мацвееў - БЕЛТА/. Прэзідэнт Беларусі Аляксандр Лукашэнка прымае ўдзел у пасяджэнні савета кіраўнікоў дзяржаў - членаў Шанхайскай арганізацыі супрацоўніцтва ў пашыраным складзе, перадае карэспандэнт БЕЛТА.
Да пасяджэння кіраўнік беларускай дзяржавы прыняў удзел у цырымоніі сумеснага фатаграфавання кіраўнікоў дэлегацый. Плануецца, што на саміце Аляксандр Лукашэнка выступіць з прамовай.
На чарговым пасяджэнні савета кіраўнікоў дзяржаў - членаў ШАС плануецца прыняць ташкенцкую дэкларацыю, прысвечаную 15-годдзю гэтай арганізацыі. Акрамя таго, чакаецца падпісанне шэрага шматбаковых дакументаў. У іх ліку антынаркатычная стратэгія на 2017-2022 гады і праграмы дзеянняў па яе выкананні, план мерапрыемстваў на 2016-2020 гады па рэалізацыі пагаднення аб супрацоўніцтве паміж урадамі дзяржаў - членаў ШАС у барацьбе са злачыннасцю. Плануецца таксама прыняцце плана рэалізацыі стратэгіі развіцця ШАС да 2025 года.
Саміт Шанхайскай арганізацыі супрацоўніцтва ў Ташкенце стаў першым, у якім Беларусь прымае ўдзел на вышэйшым узроўні ў новым статусе наглядальніка.-0-
