23 чэрвеня, Мінск /Святлана Саўко - БЕЛТА/. Прэзідэнт Беларусі Аляксандр Лукашэнка праз скарачэнне дзяржапарату ставіць пытанне аб узмацненні выканальніцкай дысцыпліны. Аб гэтым кіраўнік дзяржавы заявіў сёння, каменціруючы выступленні дэлегатаў пятага Усебеларускага народнага сходу, перадае карэспандэнт БЕЛТА.
"Узмацненне выканальніцкай дысцыпліны - гэта галоўнае", - падкрэсліў Прэзідэнт. Аляксандр Лукашэнка нагадаў, што ўчора ў дакладзе прыводзіў прыклад, калі прымаемыя рашэнні не выконваюцца. На думку кіраўніка дзяржавы, патрэбны такі падыход, калі кіраўнік свайму падначаленаму дае даручэнне адзін раз і той яго безумоўна выконвае.
Прэзідэнт заклікаў у працэсе аптымізацыі дзяржапарату не загаворваць праблему, не выдумваць крытэрыі і паняцці, якія разбураюць мэту. У гэтым выпадку размова ідзе аб тым, каб спачатку вызначыцца з функцыямі дзяржаўнага апарату, а затым аптымізаваць колькасць. У сувязі з гэтым кіраўнік дзяржавы звярнуў увагу на галоўную функцыю, без якой астатнія нічога не будуць вартыя. Яна ў тым, каб мабілізаваць калектыў на вытворчасць інавацыйнай прадукцыі, запатрабаванай на рынку.-0-
