Мабільная версія
ДЗЯРЖОРГАНЫ
Апошнія навіны
Усе навіны

Лукашэнка прапануе Курскай вобласці супрацоўніцтва ў прамысловасці, сельскай гаспадарцы і будаўніцтве

Прэзідэнт 05.12.2017 | 11:45
Аляксандр Лукашэнка
Аляксандр Лукашэнка

5 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка прапануе Курскай вобласці Расіі актывізацыю ўзаемадзеяння ў прамысловасці, сельскай гаспадарцы і будаўніцтве. Аб гэтым кіраўнік дзяржавы заявіў сёння на сустрэчы з губернатарам гэтага расійскага рэгіёна Аляксандрам Міхайлавым, перадае карэспандэнт БЕЛТА.

"На жаль, за папярэднія гады як з Расіяй, так і з рэгіёнамі тавараабарот у нас знізіўся. Аднак пазітыўныя тэндэнцыі ў гэтым годзе даюць упэўненасць у тым, што сумеснымі намаганнямі мы можам выправіць сітуацыю і аднавіць аб'ёмы ўзаемнага гандлю. Гэтаму павінна садзейнічаць актывізацыя ўзаемадзеяння перш за ўсё ў прамысловасці, сельскай гаспадарцы, будаўніцтве. Па ўсіх гэтых напрамках у нас ёсць пэўны вопыт, я нават сказаў бы, поспехі", - заявіў Прэзідэнт.

У час сустрэчы

Ён падкрэсліў, што Курская вобласць - надзейны партнёр Беларусі, а чарговы візіт кіраўніка рэгіёна беларускі бок разглядае як сведчанне шчырай зацікаўленасці ў развіцці двухбаковага супрацоўніцтва.

У якасці аднаго з перспектыўных напрамкаў супрацоўніцтва Аляксандр Лукашэнка назваў аснашчэнне Міхайлаўскага горна-абагачальнага камбіната - аднаго з буйнейшых у Расіі і СНД па здабычы і абагачэнні жалезнай руды - беларускай кар'ернай тэхнікай БелАЗ. "Мы зацікаўлены ў прадаўжэнні гэтай работы", - сказаў ён.

У час сустрэчы

З улікам існуючых вытворча-інавацыйных магчымасцей Беларусі і Курскай вобласці таксама трэба сумесна прапрацаваць варыянты пашырэння прамысловых кааперацый. "У складзе вашай дэлегацыі кіраўнікі буйных прадпрыемстваў рэгіёна, зацікаўленых ва ўмацаванні супрацоўніцтва з ААТ "Планар", Мінскім маторным заводам. Думаю, што такое ўзаемадзеянне дасць магчымасць сумесна выйсці на вытворчасць высокатэхналагічнай прадукцыі сусветнага ўзроўню", - заявіў беларускі лідар.

Прэзідэнт адзначыў, што Курская вобласць дабілася прыкметных поспехаў у сельскай гаспадарцы, і Беларусь магла б садзейнічаць далейшаму развіццю гэтай галіны ў рэгіёне. "У нас вырабляецца шырокі спектр сельскагаспадарчай тэхнікі, мы ўмеем будаваць комплексы для сельскай гаспадаркі з аснашчэннем "пад ключ", - сказаў кіраўнік дзяржавы.

Аляксандр Лукашэнка лічыць мэтазгодным абмеркаваць перспектывы супрацоўніцтва па пастаўках элітнага насення збожжавых і агароднінных культур, мінеральных угнаенняў.

"Мы адкрыты для супрацоўніцтва і гатовы зрабіць усё, на што мы здольны. Усё, што мы ўмеем, вы ведаеце. У тым ліку і жыллёвае будаўніцтва - у нас ёсць вопыт Мазырскага домабудаўнічага камбіната, які будуе ў вас дамы. На 2018 год ёсць кантракт па будаўніцтве дома, - адзначыў кіраўнік дзяржавы. - Калі патрэбна тут большая інтэнсіфікацыя, аб'ёмы, мы гатовы разгледзець і падключыць іншыя трэсты. У Беларусі ёсць магутнасці, якія сёння не задзейнічаны, добрыя спецыялісты. Мы зацікаўлены, каб яны працавалі, і калі ў Расіі, то пажадана сваімі калектывамі".

Аляксандр Лукашэнка ўпэўнены, што цяперашняя сустрэча дасць магчымасць умацаваць партнёрскія сувязі, якімі ў Беларусі сапраўды даражаць. "Сумеснымі намаганнямі мы зможам дабіцца тых жаданых вынікаў і тых рубяжоў, якія мы перад сабой паставім", - дадаў ён.

У студзені-верасні 2017 года тавараабарот Беларусі з Курскай вобласцю склаў $96,3 млн і ў параўнанні з аналагічным перыядам 2016 года павялічыўся на 40,5 працэнта. Аснову беларускага экспарту склалі пастаўкі шын, калійных угнаенняў, сінтэтычных ніцей, грузавых аўтамабіляў, абутку.

Аляксандр Міхайлаў

У расійскім рэгіёне працуюць некалькі прамых суб'ектаў тавараправоднай сеткі беларускіх вытворцаў. Арганізавана шырокая дылерская сетка па рэалізацыі беларускай прадукцыі машынабудавання, харчовай, лёгкай прамысловасці, тавараў народнага спажывання.-0-

Лукашэнка прапануе ў перспектыве прыцягваць беларускіх спецыялістаў да будаўніцтва АЭС у Курскай вобласціЛукашэнка прапануе ў перспектыве прыцягваць беларускіх спецыялістаў да будаўніцтва АЭС у Курскай вобласці
"Мяне прыемна здзівіла прапанова нашых спецыялістаў аб тым, што літаральна ў наступным годзе або праз год яны змогуць удзельнічаць у будаўніцтве вашай атамнай станцыі, - сказаў Прэзідэнт. - Калі будзе неабходна, мы гатовы ў гэтай частцы працаваць разам з расіянамі".

Курская вобласць плануе заключыць пагадненні аб супрацоўніцтве з Мінскам, Віцебскам і ГроднамКурская вобласць плануе заключыць пагадненні аб супрацоўніцтве з Мінскам, Віцебскам і Гроднам
"Мы маем адносіны з Гомельскай і Магілёўскай абласцямі. У час гэтага візіту будзе падпісана пагадненне аб супрацоўніцтве з Мінскім гарвыканкамам. Рыхтуюцца таксама пагадненні з Віцебскам і Гроднам", - сказаў Аляксандр Міхайлаў.

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як траціць грошы беларуская сям'я У студзені-верасні 2017 года грашовыя расходы адной дамашняй гаспадаркі склалі Br965,2 у месяц. Br226,7 прыпадае на ўклады, падаткі, узносы і расходы на асабістую падсобную гаспадарку.