Лукашэнка прапануе кампаніям В'етнама выкарыстоўваць Беларусь для выхаду на рынкі Еўропы і ЕАЭС

27 чэрвеня, Мінск /Кар. БЕЛТА/. Кампаніі В'етнама могуць выкарыстоўваць Беларусь у якасці перспектыўнай пляцоўкі для асваення рынкаў краін Еўропы і Еўразійскага эканамічнага саюза. Аб гэтым Прэзідэнт Беларусі Аляксандр Лукашэнка заявіў сёння ў час адкрыцця Беларуска-в'етнамскага бізнес-форуму, перадае карэспандэнт БЕЛТА.

"Кампаніі В'етнама могуць выкарыстоўваць Беларусь у якасці перспектыўнай пляцоўкі для асваення рынкаў краін Еўропы. Для гэтага ёсць добрыя магчымасці і добрая воля беларускага боку", - сказаў Аляксандр Лукашэнка.

Кіраўнік дзяржавы падкрэсліў, што ў Беларусі в'етнамскія кампаніі атрымаюць самыя камфортныя ўмовы для работы. "Прыязджайце, вырабляйце і прадавайце прадукцыю не толькі ў Беларусі, але і на агульнай эканамічнай прасторы Еўразійскага эканамічнага саюза. Гэты маштабны рынак і лагістыка з улікам блізкасці Беларусі да Балтыйскага мора робяць праекты ў нас вельмі выгаднымі", - звярнуў увагу Прэзідэнт.-0-

Беларусь і В'етнам прапрацоўваюць стварэнне сумесных прадпрыемстваў у розных сферах

"Адразу некалькі перадавых беларускіх прадпрыемстваў, такіх як "Палімайстар", "Фідмаш", "Адані", "Рэгула" і іншыя, разглядаюць магчымасць лакалізацыі зборкі абсталявання ўласнай вытворчасці ў індустрыяльных парках В'етнама", - расказаў Аляксандр Лукашэнка.

Беларусь разглядае В'етнам як плацдарм для замацавання ў Паўднёва-Усходняй Азіі

"Мы сур'ёзна разглядаем В'етнам як плацдарм для нашага замацавання ў Паўднёва-Усходняй Азіі і сумеснага выхаду з вырабленай прадукцыяй і паслугамі ў краіны АСЕАН", - падкрэсліў Аляксандр Лукашэнка, звяртаючыся да бізнес-супольнасці.

Лукашэнка назваў 6 перспектыўных галін для развіцця беларуска-в'етнамскага супрацоўніцтва

"Узаемадапаўняльнасць нашых эканомік стварае трывалы фундамент для паспяховага ўзаемадзеяння і супрацоўніцтва. Менавіта таму асаблівую значнасць набываюць форумы, аналагічныя таму, які мы праводзіць цяпер", - адзначыў Аляксандр Лукашэнка.

В'етнам гатовы ствараць спрыяльныя ўмовы для паставак беларускай прадукцыі - Чан Дай Куанг

"В'етнам падтрымлівае кампаніі, якія шукаюць магчымасці для супрацоўніцтва з Беларуссю, асабліва ў сферы інавацыйных тэхналогій, спажывецкіх тавараў і сельскай гаспадаркі", - адзначыў Чан Дай Куанг.

В'етнам мае намер развіваць інвестсупрацоўніцтва з Беларуссю - Чан Дай Куанг

Паводле яго слоў, В'етнам будзе вітаць беларускія інвестыцыі, асабліва ў машынабудаванні, вытворчасці прамысловага абсталявання.