16 жніўня, Мінск /Кар. БЕЛТА/. Кіраўнік дзяржавы Аляксандр Лукашэнка праінспектуе ход уборачнай кампаніі ва ўсходніх рэгіёнах Беларусі. Аб гэтым БЕЛТА паведамілі ў прэс-службе беларускага лідара.
У другой палавіне дня 16 жніўня Прэзідэнт прадоўжыў серыю рабочых паездак па краіне. Калі некалькі дзён таму кіраўнік дзяржавы падрабязна азнаёміўся і пракантраляваў ход уборачнай кампаніі на паўднёвым захадзе Беларусі, то цяпер у цэнтры ўвагі Аляксандра Лукашэнкі ўсходнія рэгіёны.
"Ужо сёння Прэзідэнт Беларусі на верталёце абляцеў усходнюю частку сталічнага рэгіёна і большасць раёнаў Магілёўскай вобласці, назіраючы з вышыні за ўборкай ураджаю", - расказалі ў прэс-службе. Плануецца, што ў бліжэйшыя дні Аляксандр Лукашэнка асабіста наведае і пракантралюе сітуацыю на палях і ў гаспадарках гэтых рэгіёнаў. Запланаваны мерапрыемствы і на палях Віцебскай вобласці.-0-
