21 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў з юбілеямі народных артыстаў Расіі Мікалая Растаргуева і Веру Алентаву. Аб гэтым БЕЛТА паведамілі ў прэс-службе беларускага лідара.
"Шматлікія паклоннікі ў Беларусі цэняць Вас як таленавітага артыста і музыканта. За гады творчай дзейнасці Вы стварылі мноства твораў, якія пакарылі слухачоў жыццялюбствам, энергіяй і сапраўдным патрыятызмам", - гаворыцца ў віншаванні Мікалаю Растаргуеву.
Кіраўнік дзяржавы выказаў упэўненасць, што плённая праца артыста будзе і ў далейшым садзейнічаць збліжэнню народаў Беларусі і Расіі, умацаванню дружбы і культурнага супрацоўніцтва паміж імі.
У віншаванні Веры Алентавай адзначаецца шматгранны талент, прафесійнае майстэрства, абаянне і бездакорны мастацкі густ, якія здабылі ёй заслужаную павагу калег і шчырую любоў публікі. "Няхай Ваша плённая дзейнасць і ў далейшым дорыць гледачам радасць, натхненне і добры настрой, садзейнічае ўмацаванню дружбы паміж нашымі народамі", - пажадаў Аляксандр Лукашэнка.-0-