Сцяг Чацвер, 28 сакавіка 2024
Усе навіны
Усе навіны
Прэзідэнт
10 чэрвеня 2019, 15:21

Лукашэнка павіншаваў Такаева з пераканаўчай перамогай на выбарах Прэзідэнта Казахстана

10 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Касым-Жамарта Такаева з пераканаўчай перамогай на прэзідэнцкіх выбарах у Казахстане. Аб гэтым БЕЛТА паведамілі ў прэс-службе беларускага лідара.

Кіраўнік беларускай дзяржавы выказаў упэўненасць у тым, што палітычная мудрасць і багаты жыццёвы вопыт Касым-Жамарта Такаева будуць садзейнічаць далейшаму дынамічнаму развіццю Казахстана, росту дабрабыту яго грамадзян і ўмацаванню агульнага еўразійскага дома.

"Перакананы, паслядоўнае пашырэнне беларуска-казахстанскага супрацоўніцтва, заснаванага на прынцыпах узаемнага даверу і стратэгічнага партнёрства, адпавядае інтарэсам нашых народаў. У сувязі з гэтым з удзячнасцю прымаю запрашэнне наведаць Казахстан з афіцыйным візітам у бліжэйшы час", - гаворыцца ў віншаванні.

Аляксандр Лукашэнка пажадаў Касым-Жамарту Такаеву добрага здароўя, дабрабыту і новых поспехаў на вышэйшай дзяржаўнай пасадзе, а брацкаму народу Казахстана - міру і працвітання.-0-

Падпісвайцеся на нас у
Twitter
Топ-навіны
Свежыя навіны Беларусі