6 снежня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка павіншаваў Шаўката Мірзіяева з выбраннем на пасаду Прэзідэнта Рэспублікі Узбекістан. Аб гэтым БЕЛТА паведамілі ў прэс-службе беларускага лідара.
"Вынікі галасавання пераканаўча сведчаць аб пазітыўнай ацэнцы суграмадзянамі Вашай стваральнай работы, накіраванай на забеспячэнне сацыяльна-эканамічнай стабільнасці ў краіне і павышэнне дабрабыту народа", - гаворыцца ў віншаванні.
Кіраўнік дзяржавы пацвердзіў зацікаўленасць у прадаўжэнні канструктыўнага дыялогу і плённай сумеснай работы па пашырэнні беларуска-ўзбекскага супрацоўніцтва.-0-
