22 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў члена нацыянальнай каманды па барацьбе вольнай Ібрагіма Саідава з заваяваннем бронзавага медаля барцоўскага турніру Алімпіяды ў Рыа-дэ-Жанэйра. Аб гэтым БЕЛТА паведамілі ў прэс-службе беларускага лідара.
"Ты ўпарта ішоў да гэтага поспеху і дабіўся яго на дыванах у Рыа-дэ-Жанэйра ў самай цяжкай вагавой катэгорыі дзякуючы сваёй мужнасці, цярпенню і працавітасці", - падкрэсліў Прэзідэнт.
У віншаванні адзначаецца, што гэта вельмі важная перамога для беларускай вольнай барацьбы, якая натхніць новыя пакаленні маладых барцоў і трэнераў на самаадданую працу і яркія перамогі на славу беларускага спорту.-0-
