Мабільная версія
ДЗЯРЖОРГАНЫ
Апошнія навіны
Усе навіны

Лукашэнка павіншаваў беларусаў з Новым 2018 годам - навагодні зварот Прэзідэнта да беларускага народа

Прэзідэнт 01.01.2018 | 00:00

Дарагія сябры!

Непрыкметна, але ўпэўнена і немінуча надыходзіць Новы, 2018 год. У гэтыя хвіліны асабліва адчувальна, які мімалётны час.

Так, галоўная адметнасць нашага часу - яго імклівы бег. Ісці крокам сёння раўназначна спыненню, стаяць - гэта адступаць назад. Мы пастаянна некуды спяшаемся, многае абавязаны паспець, каб наперадзе замаячыў той самы, жаданы вынік.

Зрэшты, і ў бурным патоку гэтага жыцця прытармазіць часам усё ж неабходна - хоць на імгненне - каб убачыць, ацаніць, падумаць аб важным і сказаць добрыя словы.

Пераднавагоднія хвіліны - менавіта такое імгненне. Цяпер, калі да бою гадзінніка застаецца зусім няшмат часу, успамінаем галоўнае, думаем пра будучыню.

У адыходзячым годзе намі прыняты рашучыя меры па ўдасканаленні эканомікі, што немінуча прывядзе да змянення нашага грамадства. Мы рызыкнулі зазірнуць за гарызонт, паставілі перад краінай мэты заўтрашняга дня. Дасягнуць іх - справа многіх гадоў!

У сувязі з гэтым мой зварот да моладзі: дзейнічайце, стварайце! Для вас адкрыты ўсе дзверы! Вы абавязаны ўзяць гэту неймаверна цяжкую вышыню. За вамі будучае краіны!

А вам, старэйшаму пакаленню, думаць пра спакой не атрымаецца. Вы нам патрэбны асабліва цяпер. Патрэбны ваш вопыт, веды, мудрасць. Менавіта вы павінны дапамагчы маладым у працэсе складанага руху наперад, уберагчы іх ад неабгрунтаванага імкнення зрабіць усё за імгненне, небяспекі адарвацца ад рэальнага жыцця і змарнаваць час.

Цяпер дарагі кожны дзень для стваральнай працы. Наперадзе ў нас шмат важных спраў ва ўсіх сферах жыцця краіны.

І будучы год - пярэдадзень вялікіх спартыўных падзей міжнароднага маштабу. Да нас прыедуць тысячы гасцей. І як сапраўдныя гаспадары беларускай зямлі мы аб'яднаемся і прывядзём наш агульны дом у належны парадак.

Беларусь заўсёды славілася чысцінёй, добраўпарадкаванасцю гарадоў і вёсак, гасціннасцю людзей. Але цяпер нам трэба перасягнуць саміх сябе. Трэба зрабіць краіну ўзорнай. Каб кожны госць надоўга захаваў у душы цёплыя ўспаміны аб ёй. Каб мы маглі яшчэ больш ганарыцца сваёй Радзімай - дагледжанай, утульнай для жыцця, дружалюбнай і паважанай у свеце.

Менавіта за такую краіну - свабодную, незалежную - нашы продкі змагаліся, каб мы, хто жыве на гэтай зямлі, былі тут сапраўднымі гаспадарамі.

Пераемнасць, павага да заслуг кожнага чалавека, роўнасць і справядлівасць - асноўныя прынцыпы нашай дзяржавы.

Беларусь - краіна, накіраваная ў будучыню! Аснова нашага развіцця - высокія тэхналогіі, навука. Гэта так! Але заўсёды будзе запатрабавана праца рабочага і селяніна. Дзякуючы іх старанням мы сёння за багатым святочным сталом.

Дарагія сябры!

Галоўным здабыткам беларускай зямлі былі і застаюцца людзі. За ўсімі дасягненнямі стаіце менавіта вы - разумныя, таленавітыя, мэтанакіраваныя.

Тыя, хто штодзень змагаецца за жыццё і здароўе кожнага свайго пацыента.

Хто стаіць на варце закону і парадку, ахоўвае граніцы, забяспечвае абарону і бяспеку нашай краіны, займае дзяржаўныя пасады.

Хто працуе ў шахтах і заводскіх цэхах, на будаўнічых пляцоўках і ў сельскай гаспадарцы.

Хто гадуе і выхоўвае дзяцей, паспяхова перадае веды школьнікам і студэнтам, развівае навуку.

Хто сваёй творчасцю або спартыўнымі поспехамі праслаўляе Радзіму.

Асобныя віншаванні тым, хто сустракае Новы год не за сямейным сталом, а на рабочым месцы. Няхай гэта ноч будзе для вас спакойнай і святочнай.

Дарагія сябры!

Праз лічаныя секунды мы адкрыем новую главу свайго жыцця. Пакуль усе яе 365 старонак чыстыя. А што будзе ўпісана ў нашу гісторыю - залежыць ад кожнага з нас.

Ад усёй душы я жадаю, каб надыходзячы год стаў мірным, паспяховым і шчаслівым.

Будзьце шчодрымі на пачуцці, дарыце сваім родным і блізкім самае дарагое - цеплыню сэрцаў, увагу і клопат. І няхай вашы дамы напоўняцца святлом любові і дабра!

Шчасця вам, дарагія сябры!

З Новым годам, Беларусь!

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).