Сцяг Пятніца, 29 сакавіка 2024
Усе навіны
Усе навіны
Прэзідэнт
03 жніўня 2018, 12:32

Лукашэнка патрабуе ўзмацніць тэхналагічную і кадравую дысцыпліну ў час уборачнай кампаніі

3 жніўня, Мёрскі раён /Кар. БЕЛТА/. Прэзідэнт Беларусі Аляксандр Лукашэнка патрабуе ўзмацніць тэхналагічную і кадравую дысцыпліну ў час уборачнай кампаніі ў краіне. Адпаведнае даручэнне кіраўнік дзяржавы даў у час рабочай паездкі ў Мёрскі раён, перадае карэспандэнт БЕЛТА.

"Тэхналагічная дысцыпліна - без яе няма чаго ў поле выязджаць. Калі няма тэхналогій, што араць і сеяць на страту? І самае галоўнае - гэта кадравая, працоўная дысцыпліна, жалезная дысцыпліна. Прыцягвайце каго хочаце, але людзі павінны выконваць свае абавязкі, інакш Віцебская вобласць будзе целяпацца, боўтацца ў сваім саку многія дзесяцігоддзі", - падкрэсліў Аляксандр Лукашэнка.

Наведваючы ў Мёрскім раёне ААТ "Туркова", Прэзідэнт пацікавіўся тэмпамі ўборкі збожжавых у вобласці і краіне, разлікамі на ўраджай. "Калі ўбяром усё, што ў нас ёсць, а мы ўбяром, збожжам мы забяспечым краіну без праблем", - упэўнены кіраўнік дзяржавы.

Аляксандру Лукашэнку далажылі аб выкананні дзяржаўнага заказу па продажы збожжа, забеспячэнні кармамі жывёлагадоўчай галіны і прымяненні прагрэсіўных тэхналогій пры іх нарыхтоўцы.

Асаблівую ўвагу Прэзідэнт звярнуў на забеспячэнне гаспадарак неабходнай тэхнікай, у прыватнасці, размова ішла аб пастаўцы на прадпрыемствы беларускіх прэс-падборшчыкаў. "Трэба за зіму абучыць механізатараў рабоце на гэтых прэс-падборшчыках. І трэба дапамагчы закупіць іх, - паставіў задачу кіраўнік дзяржавы. - Гэта паратунак для краіны, не толькі для Віцебшчыны".-0-

Лукашэнка: Віцебскай вобласці пара паднімацца за кошт уласных рэсурсаўЛукашэнка: Віцебскай вобласці пара паднімацца за кошт уласных рэсурсаў
"Давайце будзем зыходзіць з таго, што ёсць. Пара Віцебскай вобласці падымацца на ногі за кошт таго, што ў яе тут сканцэнтравана", - падкрэсліў Аляксандр Лукашэнка.
У Мёрах плануюць пабудаваць медцэнтр з нямецкімі інвестыцыямі і тэхналогіяміУ Мёрах плануюць пабудаваць медцэнтр з нямецкімі інвестыцыямі і тэхналогіямі
Чакаецца, што медыцынскі цэнтр будзе функцыянаваць па прынцыпах дзяржаўна-прыватнага партнёрства.

Падпісвайцеся на нас у
Twitter
Топ-навіны
Свежыя навіны Беларусі