29 мая, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка павіншаваў камандаванне, асабовы склад, ветэранаў органаў пагранічнай службы з прафесійным святам - Днём пагранічніка. Аб гэтым БЕЛТА паведамілі ў прэс-службе беларускага лідара.
"Вернасць лепшым традыцыям, імкненне прымножыць іх штодзённай ратнай працай па абароне рубяжоў Рэспублікі Беларусь былі і застаюцца важнымі напрамкамі ў дзейнасці цяперашняга пакалення вартавых граніц, - гаворыцца ў віншаванні. - Знаходзячыся ў баявым дазоры, пагранічнікі спыняюць каналы нелегальнай міграцыі і кантрабанды, процідзейнічаюць распаўсюджванню міжнароднага тэрарызму. Выкананню гэтых задач садзейнічае далейшае развіццё пагранічнай інфраструктуры, удасканаленне яе тэхнічнай аснашчанасці, павышэнне ўзроўню прафесійнай падрыхтоўкі".
Кіраўнік дзяржавы выказаў упэўненасць, што сваім добрасумленным стаўленнем да воінскага абавязку вы і ў далейшым будзеце надзейна забяспечваць непарушнасць граніц нашай дзяржавы, з поўнай адказнасцю і самааддачай служыць беларускаму народу.
Прэзідэнт выказаў словы асаблівай удзячнасці ветэранам-пагранічнікам, якія беззапаветна ахоўвалі граніцы Айчыны.-0-