30 верасня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваўся з рабочым візітам у Арменію. Самалёт кіраўніка дзяржавы вылецеў з Нацыянальнага аэрапорта Мінск, перадае карэспандэнт БЕЛТА.
Як раней паведамілі ў прэс-службе Прэзідэнта, у Ерэване Аляксандр Лукашэнка прыме ўдзел у пасяджэнні Вышэйшага Еўразійскага эканамічнага савета.
Лідары краін - удзельніц ЕАЭС разгледзяць пытанні эканамічнага ўзаемадзеяння, фінансавай палітыкі, энергетыкі, асноўныя напрамкі міжнароднай дзейнасці і развіццё супрацоўніцтва з трэцімі краінамі. Усяго на пасяджэнні плануецца абмеркаваць каля паўтара дзясятка пытанняў.
Аляксандр Лукашэнка ў сваім выступленні на саміце абазначыць пазіцыю Беларусі па актуальных пытаннях узаемадзеяння дзяржаў у ЕАЭС і далейшым развіцці гэтага інтэграцыйнага аб'яднання.-0-