16 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні Прэзідэнту Грэцыі Пракопісу Паўлопуласу, родным і блізкім загінулых у выніку паводак у краіне. Аб гэтым БЕЛТА паведамілі ў прэс-службе беларускага лідара.
"З глыбокім болем і смуткам у Рэспубліцы Беларусь успрынялі паведамленне аб разбуральных паводках у цэнтральнай частцы Грэцыі, якія прывялі да шматлікіх чалавечых ахвяр і выклікалі значныя разбурэнні", - гаворыцца ў спачуванні.
Кіраўнік дзяржавы пажадаў хутчэйшага выздараўлення пацярпелым і выказаў надзею на хуткае аднаўленне закранутых стыхіяй рэгіёнаў.-0-
