Мабільная версія
ДЗЯРЖОРГАНЫ
Апошнія навіны
Усе навіны

Лукашэнка: мы адкрываем новую старонку адносін з Германіяй

Прэзідэнт 17.11.2017 | 11:31
Аляксандр Лукашэнка і Зігмар Габрыэль
Аляксандр Лукашэнка і Зігмар Габрыэль

17 лістапада, Мінск /Аліна Грышкевіч - БЕЛТА/. Беларусь адкрывае новую старонку адносін з Германіяй, накіраваную ў лепшы бок. Аб гэтым заявіў Прэзідэнт Беларусі Аляксандр Лукашэнка 17 лістапада на сустрэчы з віцэ-канцлерам, федэральным міністрам замежных спраў ФРГ Зігмарам Габрыэлем, перадае карэспандэнт БЕЛТА.

"Шмат гавораць пра мінулае нашых адносін, пра негатыўныя факты і фактары. Але ў Мінску ёсць шмат таго, што ў станоўчым плане характарызуе нашы дзяржавы", - падкрэсліў Аляксандр Лукашэнка. "Час ідзе, ён мяняе многае. Так і ў сучасным свеце нашы адносіны мяняюцца з цягам часу, - заўважыў Прэзідэнт. - Я вельмі спадзяюся і ўпэўнены, што мы адкрываем новую старонку ў нашых адносінах, накіраваную ў лепшы бок".

Кіраўнік дзяржавы выказаў словы ўдзячнасці германскаму боку за штогадовую дапамогу ў аздараўленні беларускіх дзяцей з пацярпелых ад аварыі на ЧАЭС тэрыторый.

Акрамя таго, ён выказаў удзячнасць за тэхналагічную падтрымку, што аказваецца беларускай эканоміцы. "Амаль увесь імпарт з Германіі - гэта высокатэхналагічнае абсталяванне, тэхналогіі", - заўважыў Аляксандр Лукашэнка. "Мы вельмі хацелі б, каб гэты пазітыўны працэс меў сваё далейшае прадаўжэнне на больш высокім эканамічным узроўні", - падкрэсліў Прэзідэнт, прапанаваўшы германскаму боку звярнуць увагу на індустрыяльны парк "Вялікі камень", дзе створаны самыя льготныя ўмовы для інвестараў. Праект рэалізаваны з улікам сусветнага вопыту стварэння такіх паркаў.

Беларускі лідар запэўніў: "Калі мы дамовімся і паабяцаем вам нешта зрабіць, мы абавязкова зробім".

Аляксандр Лукашэнка таксама папрасіў германскі бок уважліва сачыць за сітуацыяй у Беларусі і аб'ектыўна яе ацэньваць: "Калі гэта так будзе, то ў нас усё атрымаецца. З тэрыторыі Беларусі вы ніколі не атрымаеце ніводнага сігнала ў парушэнне цэласнасці і бяспекі еўрапейскага кантынента".

Кіраўнік дзяржавы выказаў пажаданне, каб кіраўнік германскага МЗС, які ўпершыню наведаў Беларусь, быў тут не апошні раз.-0-

Аляксандр Лукашэнка і Зігмар Габрыэль
Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як прайсці тэхагляд Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі. На дыягнастычную станцыю аўтамабіль прадстаўляецца ў чыстым выглядзе.