25 кастрычніка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка даручыў праверыць замацаванне гарадскіх тэрыторый за прадпрыемствамі і арганізацыямі. Аб гэтым кіраўнік дзяржавы заявіў сёння, назначаючы кіраўнікоў мясцовай вертыкалі ўлады, перадае карэспандэнт БЕЛТА.
"Мы шмат увагі ўдзяляем у гарадах - гэта і раённых цэнтраў датычыцца - навядзенню парадку, каб гарады мелі свой твар. У бліжэйшы час Адміністрацыя Прэзідэнта разам з Камітэтам дзяржкантролю і ўрадам праверыць, як выконваецца маё даручэнне па размеркаванні тэрыторый, іх замацаванні за прадпрыемствамі і ўстановамі. Грошы траціць на тое, каб прыбіраць лісце, касіць траву і іншае, у гарадах з бюджэту выдзяляцца не павінны", - заявіў Прэзідэнт.
"Гэта было ў нас некалі. Але потым мы ўсё забылі, пачалі плаціць шалёныя грошы, наймаць нейкіх людзей для таго, каб яны сабралі лісце, спілавалі сухія дрэвы, падмялі вуліцы, - канстатаваў Аляксандр Лукашэнка. - У кожнага кіраўніка адміністрацыі ў Мінску і іншых гарадах павінен быць на стале план па замацаванні тэрыторый".-0-
