25 верасня, Мінск /Міхаіл Маціеўскі - БЕЛТА/. Беларусь па-брацку будуе адносіны з прадстаўнікамі шматнацыянальнай Расіі. Аб гэтым Прэзідэнт Беларусі Аляксандр Лукашэнка заявіў сёння на сустрэчы з кіраўніком Чачэнскай Рэспублікі Расійскай Федэрацыі Рамзанам Кадыравым, перадае карэспандэнт БЕЛТА.
"Мы па-брацку будуем свае адносіны з прадстаўнікамі шматнацыянальнай Расіі. І на сённяшні дзень мы бачым вельмі сур'ёзныя тэндэнцыі да паглыблення нашых адносін", - заявіў Аляксандр Лукашэнка.
Прэзідэнт дадаў, што калі б Беларусь не развівала супрацоўніцтва з рэгіёнамі Расіі, то не было б наогул беларуска-расійскіх адносін.-0-
Лукашэнка прапануе Кадыраву развіваць вытворчую кааперацыю
Ключавой тэмай двухбаковага ўзаемадзеяння павінна стаць вытворчая кааперацыя, упэўнены Аляксандр Лукашэнка. Гэта найбольш развітая, узаемавыгадная форма супрацоўніцтва, якая дае магчымасць забяспечыць патрэбнасці рэгіянальнага рынку, а таксама стварыць высокатэхналагічныя рабочыя месцы.
Лукашэнка: Беларусь зацікаўлена разам з Чачэнскай Рэспублікай працаваць у Каўказскім рэгіёне
"Мы спакойна можам там будаваць сумесныя прадпрыемствы, ствараць сумесныя высокатэхналагічныя прадукты, гандляваць у вашым рэгіёне не толькі на поўдні, але і на поўначы", - сказаў Аляксандр Лукашэнка.
Кадыраў - Лукашэнку: калі вы прыедзеце ў Чачню, для нас гэта будзе самае вялікае свята
"За тое, што вы будуеце дзяржаву, абараняеце інтарэсы свайго народа на вышэйшым узроўні. Мы не абыякавыя да вашай краіны. І нашы краіны даўно звязваюць дружалюбныя, братэрскія адносіны", - сказаў Рамзан Кадыраў.
"Знайшлі адказы на ўсе пытанні" - Кадыраў расказаў аб выніках сустрэчы з Лукашэнкам
"Сустрэча мне вельмі спадабалася. Я яшчэ даўно вельмі хацеў сустрэцца, пагаварыць. У мяне, на жаль, адзін раз не атрымалася прыехаць. Я за гэта атрымаў заўвагу. Думаю, сёння мы знайшлі адказы на ўсе пытанні", - сказаў Рамзан Кадыраў.