Лукашэнка: Беларусь - надзейная апора і сябар Туркменістана ў цэнтры Еўропы

30 сакавіка, Ашхабад /Міхаіл Маціеўскі - БЕЛТА/. Беларусь - надзейная апора і сябар Туркменістана ў цэнтры Еўропы. Аб гэтым Прэзідэнт Беларусі Аляксандр Лукашэнка заявіў сёння на афіцыйных перагаворах з Прэзідэнтам Туркменістана Гурбангулы Бердымухамедавым у фармаце сам-насам, перадае карэспандэнт БЕЛТА.

"Вы павінны ведаць, што там, у цэнтры Еўропы, у вас ёсць надзейная апора і надзейныя сябры. Вы можаце разлічваць на Беларусь. Абсалютна ўпэўнены, што так будзе рабіць і кіраўніцтва гэтай цудоўнай зямлі на чале з яго Прэзідэнтам, маім даўнім сябрам", - сказаў Аляксандр Лукашэнка.

Кіраўнік дзяржавы падкрэсліў, што Беларусь гатова дзяліцца з Туркменістанам вопытам у самых розных галінах. "Мы супрацоўнічаем у многіх сферах. Паказчыкам заўсёды з'яўляецца тавараабарот. За апошнія гады, літаральна за пяцігодку, мы дасягнулі $300 млн у абароце тавараў і паслуг - гэта вялікія паказчыкі. І мы пакрыху ў гэтым плане прырастаем. Мы знайшлі развязку многім пытанням у гандлі ў гэты няпросты час. Думаю, у гэтым напрамку рухаючыся, мы яшчэ нямала зробім і ў Беларусі, а на туркменскай зямлі", - упэўнены Прэзідэнт.

Аляксандр Лукашэнка захапіўся развіццём сталіцы і Туркменістана ў цэлым, падкрэсліўшы асаблівыя поспехі краіны ў сферы эканомікі. "Добра, што нейкую лепту ў гэта ўнеслі і беларусы, пабудаваўшы камбінат (Гарлыкскі горна-абагачальны камбінат. - Заўвага БЕЛТА). Адкрыць камбінат і пачаць работу - гэта толькі пачатак. Потым пойдуць будні, трэба рыхтаваць людзей, выходзіць на праектную магутнасць", - заўважыў кіраўнік дзяржавы.

Рэалізацыя праекта, як адзначыў Прэзідэнт, была няпростай справай, аднак беларускія і туркменскія спецыялісты паспяхова завяршылі будаўніцтва. "Заўтра мне будзе прыемна чарговы раз там пабываць. Вы помніце, мы адкрывалі гэту будоўлю. І заўтра мы запусцім у строй камбінат, які дасць новы напрамак у развіцці вашай цудоўнай туркменскай зямлі", - заявіў беларускі лідар.

У сваю чаргу Гурбангулы Бердымухамедаў адзначыў, што ўзаемадзеянне паміж дзяржавамі развіваецца вельмі актыўна. "Самае галоўнае - яно з году ў год актывізуецца. Мы ўпэўнены, што выйдзем на высокі ўзровень у пытаннях нашага супрацоўніцтва", - сказаў ён.-0-

Бердымухамедаў: Беларусь і Туркменістан - перакананыя прыхільнікі міру, стабільнасці і бяспекі

"Туркменістан заўсёды разглядае Беларусь як важнага палітычнага партнёра, паколькі мы свае ідэі ў палітыцы ажыццяўляем як у двухбаковым фармаце, так і ў міжнародных арганізацыя", - сказаў Гурбангулы Бердымухамедаў.

Беларусь гатова забяспечыць Туркменістан лагістычнымі цэнтрамі для паставак у Еўропу - Лукашэнка

"Вы можаце прадаваць сваю прадукцыю з тэрыторыі Беларусі на еўрапейскі прэміяльны рынак. Мы забяспечым вас лагістычнымі цэнтрамі, складамі, абсталяваннем - у нас вельмі бурна гэта развіваецца цяпер. Паглядзіце, што вам выгадна ў Еўропе прадаваць, шляхі мы вызначым", - сказаў Аляксандр Лукашэнка.

Лукашэнка: будаўніцтва Гарлыкскага ГАК дэманструе высокі патэнцыял супрацоўніцтва Беларусі і Туркменістана

"Паспяховая рэалізацыя гэтага грандыёзнага сумеснага праекта па будаўніцтве Гарлыкскага горна-абагачальнага камбіната яшчэ раз прадэманстравала высокі патэнцыял нашага супрацоўніцтва", - сказаў Прэзідэнт.

Беларусь і Туркменістан падпісалі 11 дакументаў па развіцці супрацоўніцтва ў розных сферах

Важнымі дакументамі сталі пагадненне паміж урадамі Беларусі і Туркменістана аб супрацоўніцтве ў галіне барацьбы са злачыннасцю і праграма супрацоўніцтва ў галіне турызму паміж Міністэрствам спорту і турызму Беларусі і Дзяржаўным камітэтам Туркменістана па турызме на 2017-2018 гады.

Беларусь і Туркменістан пацвярджаюць гатоўнасць паглыбляць адносіны па розных напрамках

Прэзідэнты падкрэслілі ўзаемнае імкненне садзейнічаць умацаванню міру і стабільнасці, устанаўленню клімату даверу і ўзаемаразумення на рэгіянальным і міжнародным узроўнях.

Комплекс будынкаў пасольства Беларусі ў Туркменістане ўрачыста адкрылі ў Ашхабадзе

"Узвядзенне ўласных будынкаў пасольстваў пацвярджае стратэгічны характар нашага партнёрства, сімвалізуе правераную часам дружбу беларускага і туркменскага народаў, якой мы вельмі даражым", - падкрэсліў Аляксандр Лукашэнка.

Лукашэнка ўсклаў вянок да манумента Вечнай славы ў Ашхабадзе

Мемарыяльны комплекс, які займае плошчу 650 тыс. кв.м, быў адкрыты ў кастрычніку 2014 года. Тут размешчаны помнік у гонар Перамогі ў Вялікай Айчыннай вайне, а таксама манументы ў памяць загінулых у Геок-Тэпінскай бітве (1881 год) і ахвяр Ашхабадскага землетрасення (6 кастрычніка 1948 года).

Беларусь праводзіць адказную і міралюбівую знешнюю палітыку - Бердымухамедаў

"Беларусь праводзіць адказную і міралюбівую знешнюю палітыку. Выступае паслядоўным прыхільнікам умацавання ролі Арганізацыі Аб'яднаных Нацый, выканання норм міжнароднага права і стварэння эфектыўных механізмаў партнёрства і ўзаемадзеяння", - сказаў Гурбангулы Бердымухамедаў.