9 мая, Мінск /Кар. БЕЛТА/. Беларусь мірная і дружалюбная краіна, але яна можа за сябе пастаяць. Аб гэтым заявіў сёння Прэзідэнт Беларусі Аляксандр Лукашэнка на цырымоніі ўскладання вянкоў да манумента Перамогі ў Мінску з нагоды 72-й гадавіны Вялікай Перамогі, перадае карэспандэнт БЕЛТА.
"Ніколі з нашай зямлі не ішла і не будзе ісці агрэсія. Мы даказалі ўсім, што Беларусь - мірная і дружалюбная краіна. Але гэта не значыць, што яна не можа за сябе пастаяць, - адзначыў беларускі лідар. - Так, чужога нам не трэба, але і свайго мы не аддадзім! Так навучылі нас нашы гераічныя продкі. І мы будзем верныя іх святому запавету".
Прэзідэнт павіншаваў суайчыннікаў і гасцей Беларусі са святам Вялікай Перамогі і пажадаў шчасця і міру.-0-