13 жніўня, Шклоўскі раён /Кар. БЕЛТА/. Прэзідэнт Беларусі Аляксандр Лукашэнка арыентуе сельскагаспадарчыя арганізацыі краіны на выкарыстанне насення айчынных селекцый. Такую задачу кіраўнік дзяржавы паставіў 11 жніўня, наведваючы сельгасугоддзі ААТ "Александрыйскае", перадае карэспандэнт БЕЛТА.
Прэзідэнту далажылі, што ўраджайнасць беларускіх сартоў збожжавых культур значна вышэйшая за імпартныя. Ён падкрэсліў, што сельгасарганізацыям неабходна арыентавацца на насенне беларускай селекцыі. "У нас гэтага насення хапае", - адзначыў Аляксандр Лукашэнка.
"Не трэба арыентавацца на імпарт. Я колькі разоў гаварыў, што ніводны наш сапернік, праціўнік і тыя, з кім мы канкурыруем, ніколі не дадуць лепшае. Яны нам будуць падкідаць тое, што не трэба ў сябе, - упэўнены кіраўнік дзяржавы. - Не думаю, што і мы б ужо размахнуліся некаму даваць насенне, акрамя Расіі".-0-