Мабільная версія
ДЗЯРЖОРГАНЫ
Апошнія навіны
Усе навіны

Лукашэнка абмеркаваў з паслом Кітая падрыхтоўку да саміту ШАС і развіццё двухбаковых адносін

Прэзідэнт 18.05.2018 | 13:35
У час сустрэчы
У час сустрэчы

18 мая, Мінск /Уладзімір Мацвееў - БЕЛТА/. Падрыхтоўку да саміту Шанхайскай арганізацыі супрацоўніцтва ў кітайскім Цындаа і развіццё беларуска-кітайскіх адносін у цэлым абмеркаваны на сустрэчы Прэзідэнта Беларусі Аляксандра Лукашэнкі з паслом КНР у Беларусі Цуй Цымінам, перадае карэспандэнт БЕЛТА.

"Я папрасіў вас прыехаць да мяне, каб перш за ўсё параіцца па некаторых пытаннях нашых адносін напярэдадні майго візіту ў Цындаа. У нас пасяджэнне ШАС. І напярэдадні маёй паездкі ў КНР у Беларусі будзе чалавек, які займае другую пасаду ў іерархіі Кітайскай Народнай Рэспублікі. Мы таксама абмяркуем з ім пытанні беларуска-кітайскіх узаемаадносін. А паколькі вы чалавек самы паінфармаваны з усіх кітайскіх грамадзян аб нашых адносінах, валодаеце ўсёй паўнатой інфармацыі, я таксама хацеў бы абмеркаваць з вамі шэраг момантаў не толькі напярэдадні гэтага візіту ў КНР, але і пагаварыць аб стратэгіі нашых адносін", - сказаў кіраўнік дзяржавы.

Аляксандр Лукашэнка адзначыў, што хацеў бы абмеркаваць з паслом да сустрэчы са Старшынёй КНР Сі Цзіньпінам пытанні, якія маюць вельмі важнае значэнне ў адносінах Кітая і Беларусі. "Мы вельмі блізкія, мы маем стратэгічны ўзровень супрацоўніцтва. Гэтым усё сказана. Таму я хацеў бы, каб сёе-тое вы мне расказалі, штосьці я вам раскажу, каб падрыхтаваць гэтыя кантакты на высокім і вышэйшым узроўні, каб яны былі плённыя", - дадаў беларускі лідар.

Прэзідэнт прапанаваў абмеркаваць і праблемныя пытанні. "Мы іх абмяркуем. Без праблем не бывае. Таму што маштаб супрацоўніцтва вельмі вялікі, асабліва ў "Вялікім камені". Хацеў бы пачуць ваш пункт гледжання, ваша бачанне. Можа, мы дзесьці недапрацоўваем. Асабліва з нашага боку. Мы ўлічым гэта ў супрацоўніцтве з вамі", - заявіў Аляксандр Лукашэнка.

Як паведамляла БЕЛТА, у чэрвені плануецца візіт Прэзідэнта Беларусі ў Кітай для ўдзелу ў саміце ШАС, які пройдзе ў горадзе Цындаа. Чакаецца сустрэча кіраўніка беларускай дзяржавы са Старшынёй КНР Сі Цзіньпінам для абмеркавання актуальных пытанняў двухбаковых адносін.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.