Мабільная версія
ДЗЯРЖОРГАНЫ
Апошнія навіны
Усе навіны

Лукашэнка абмеркаваў з кіраўніком ЕАК падрыхтоўку да II Еўрапейскіх гульняў

Прэзідэнт 01.03.2018 | 12:32
Янез Качыянчыч і Аляксандр Лукашэнка
Янез Качыянчыч і Аляксандр Лукашэнка

1 сакавіка, Мінск /Міхаіл Маціеўскі - БЕЛТА/. Падрыхтоўка да II Еўрапейскіх гульняў абмяркоўвалася сёння на сустрэчы Прэзідэнта Беларусі Аляксандра Лукашэнкі з прэзідэнтам Еўрапейскіх алімпійскіх камітэтаў Янезам Качыянчычам, перадае карэспандэнт БЕЛТА.

Кіраўнік дзяржавы пацікавіўся ў кіраўніка ЕАК, як ён ацэньвае падрыхтоўку Беларусі да правядзення ў наступным годзе II Еўрапейскіх гульняў, ці ёсць у яго якія-небудзь заўвагі або пажаданні. "У нас сапраўды ёсць аб чым пагаварыць", - сказаў Аляксандр Лукашэнка.

Янез Качыянчыч адзначыў, што Еўрапейскія алімпійскія камітэты задаволены працэсам падрыхтоўкі да маючых адбыцца спаборніцтваў. "Вашы супрацоўнікі вельмі добра ажыццяўляюць сваю работу. Мы ўжо знаходзімся на завяршальнай стадыі падрыхтоўчага працэсу. І аргкамітэт, і прафесійныя супрацоўнікі выконваюць сваю работу на вельмі высокім узроўні", - падкрэсліў ён.

Паводле слоў прэзідэнта ЕАК, Беларусь апраўдала ўсе чаканні. "Мы ведалі, што так і будзе, таму што ў Беларусі шмат вопыту ў галіне арганізацыі спартыўных мерапрыемстваў", - канстатаваў Янез Качыянчыч.

Ён таксама павіншаваў беларускі бок з паспяховым выступленнем на зімовай Алімпіядзе, што прайшла ў Пхёнчхане. "15-е месца ў свеце - гэта сапраўды дасягненне. І вы тым самым пацвярджаеце высокі ўзровень беларускага спорту", - заявіў кіраўнік ЕАК.

Янез Качыянчыч

Еўрапейскія алімпійскія камітэты - міжнародная арганізацыя, якая аб'ядноўвае 50 нацыянальных алімпійскіх камітэтаў Еўропы. Яна была заснавана ў 1975 годзе, яе штаб-кватэра знаходзіцца ў Рыме.

Асноўная задача ЕАК - кіраўніцтва алімпійскіх рухам і развіццё алімпізму ў Еўропе ў адпаведнасці з Алімпійскай хартыяй. ЕАК забяспечвае рэгулярнае правядзенне Еўрапейскіх юнацкіх алімпійскіх фестываляў і, пачынаючы з 2015 года, Еўрапейскіх гульняў.

Беларусь атрымала права правядзення II Еўрапейскіх гульняў на 45-м пасяджэнні Генеральнай асамблеі Еўрапейскіх алімпійскіх камітэтаў у кастрычніку 2016 года. Дагавор на правядзенне спаборніцтваў быў заключаны 1 верасня 2017 года.

У праграму Еўрагульняў, якія пройдуць з 21 па 30 чэрвеня 2019 года, увайшлі 15 відаў спорту: бадмінтон, баскетбол 3х3, бокс, барацьба (грэка-рымская, вольная, жаночая), веласіпедны спорт (трэк і шаша), гімнастыка (спартыўная, мастацкая, акрабатыка, аэробіка і скачкі на батуце), веславанне на байдарках і каноэ, дзюдо, каратэ, лёгкая атлетыка, самба, стральба з лука, стральба (кулявая і стэндавая), настольны тэніс, пляжны футбол. Атлеты разыграюць 206 камплектаў узнагарод у 23 спартыўных дысцыплінах. Спаборніцтвы пройдуць на 12 спартыўных пляцоўках.

На II Еўрапейскія гульні плануецца прыбыццё амаль 4 тыс. спартсменаў, 2 тыс. трэнераў і іншых прадстаўнікоў афіцыйных дэлегацый з 50 еўрапейскіх нацыянальных алімпійскіх камітэтаў. Акрамя таго, у Беларусь прыедуць прыкладна 650 міжнародных і 410 нацыянальных спартыўных суддзяў, каля 1 тыс. замежных прадстаўнікоў СМІ, кіраўнікі еўрапейскіх спартыўных федэрацый і ведамстваў, прадстаўнікі і работнікі штаб-кватэры ЕАК, кіраўнікі еўрапейскіх НАК, а таксама высокія службовыя асобы шэрага дзяржаў.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Збіраем дзіця ў лагер Не рэкамендуецца браць з сабой: мабільны тэлефон, ювелірныя ўпрыгажэнні, дарагое адзенне, скорапсавальныя прадукты харчавання.