19 мая, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка заяўляе аб падтрымцы дзяржавай развіцця партыйнай сістэмы, але ніякіх штучных крокаў у гэтым напрамку рабіцца не будзе. Аб гэтым кіраўнік дзяржавы заявіў сёння на сустрэчы са старшынёй ФПБ Міхаілам Ордам, перадае карэспандэнт БЕЛТА.
"Калі партыі, якія існуюць, здольны да ўзнаўлення, узмацнення, павышэння колькасці, мы будзем гэты працэс падтрымліваць. Прытым і апазіцыйныя, і неапазіцыйныя", - заявіў Аляксандр Лукашэнка.
Адначасова кіраўнік дзяржавы адзначыў, што ў краіне ёсць дзве магутныя арганізацыі - прафсаюзы колькасцю больш як 4 млн чалавек і грамадскае аб'яднанне "Белая Русь". "Гэта не значыць, што я буду першарадную ўвагу ўдзяляць іх падтрымцы. Але я не ўтойваю свайго стаўлення да гэтых дзвюх магутнейшых арганізацый. Яны адыгрывалі і будуць адыгрываць больш істотную ролю ў жыцці нашага грамадства", - заявіў беларускі лідар.-0-
