6 снежня, Мінск /Кар. БЕЛТА/. Ігар Кароль вызвалены ад пасады начальніка 72-га гвардзейскага аб'яднанага вучэбнага цэнтра падрыхтоўкі прапаршчыкаў і малодшых спецыялістаў Узброеных Сіл і назначаны намеснікам начальніка Генеральнага штаба Узброеных Сіл па баявым кіраванні. Адпаведны ўказ Прэзідэнт Беларусі Аляксандр Лукашэнка падпісаў 6 снежня, паведамілі БЕЛТА ў прэс-службе беларускага лідара.
Начальнікам 72-га гвардзейскага аб'яднанага вучэбнага цэнтра падрыхтоўкі прапаршчыкаў і малодшых спецыялістаў Узброеных Сіл назначаны Канстанцін Чарнецкі.
Кіраўнік дзяржавы таксама назначыў Віктара Лісоўскага начальнікам Ваеннай акадэміі Беларусі і Аляксандра Навуменку начальнікам Мінскага сувораўскага вучылішча.-0-