Мабільная версія
ДЗЯРЖОРГАНЫ
Апошнія навіны
Усе навіны

Дзяржава разглядае магчымасць продажу акцый у кампаніі "БеСТ"

Прэзідэнт 27.02.2018 | 15:30
У час нарады
У час нарады

27 лютага, Мінск /Міхаіл Маціеўскі - БЕЛТА/. Дзяржава разглядае магчымасць продажу акцый у кампаніі "БеСТ". Гэта пытанне абмяркоўвалася сёння на нарадзе ў Прэзідэнта Беларусі Аляксандра Лукашэнкі аб перспектывах развіцця рынку тэлекамунікацыйных паслуг у краіне, перадае карэспандэнт БЕЛТА.

"Адным з базавых элементаў, якія ўплываюць на скорасць, маштаб інфарматызацыі, з'яўляецца стан і развітасць інфраструктуры перадачы даных. І калі па ўзроўні пранікнення шырокапалоснага праваднога інтэрнэту Беларусь займае 21-е месца ў свеце, то мабільны сегмент тэлекамунікацыйнага рынку ў нас пакуль адстае. Таму сёння нам трэба гэтым займацца. І адно з пытанняў, якое я хацеў бы з вамі разгледзець пры прыняцці рашэння, - пашырэнне інвестыцыйнага супрацоўніцтва з сусветнымі лідарамі ў гэтай сферы", - сказаў Аляксандр Лукашэнка.

Кіраўнік дзяржавы не стаў удакладняць, якія кампаніі маюцца на ўвазе, але заўважыў, што неабходна развіваць канкурэнцыю ў сферы тэлекамунікацый. "Хоць яна ў нас ужо ёсць. У нас не адна кампанія працуе, а дзве буйныя і трэцяя, якая просіць аб падтрымцы. Размова ідзе аб прыватызацыі некалькіх працэнтаў, якія знаходзяцца ва ўласнасці дзяржавы, кампаніі "БеСТ", - растлумачыў Прэзідэнт.

Разам з тым Аляксандр Лукашэнка звярнуў увагу, што працэсы прыватызацыі павінны ісці ў адпаведнасці з заканадаўствам. "Ёсць агульнапрынятая практыка, усё павінна ісці па закону. Мы хочам прадаць, нехта хоча купіць, калі ласка, таргуемся, выстаўляем на конкурс, на тэндар - хто больш заплаціць, таму і прададзім. Агульная практыка. Можа, ёсць інвестар, які нас зможа здзівіць і прапанаваць супервыгадныя ўмовы. Гэта таксама прымаецца. Таму давайце разгледзім гэтыя пытанні па канкрэтных кампаніях і зробім для сябе адпаведныя высновы", - рэзюмаваў кіраўнік дзяржавы.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельскагаспадарчыя работы ў Беларусі Па стане на 10 кастрычніка сельгасарганізацыямі ўбрана: цукровыя буракі - 49,1 тыс. га; лён - 43,7 тыс. га; бульба - 25,1 тыс. га; кукуруза - 768,1 тыс. га.