28 чэрвеня, Мінск /Кар. БЕЛТА/. Бытавое абслугоўванне ў вёсках падтрымаюць у Беларусі за кошт субсідый. Гэта прадугледжана ўказам нумар 227 "Аб забеспячэнні якасці і даступнасці бытавога абслугоўвання", які кіраўнік дзяржавы Аляксандр Лукашэнка падпісаў 28 чэрвеня, паведамілі БЕЛТА ў прэс-службе беларускага лідара.
Указам прадугледжваецца магчымасць прадастаўлення ў 2017 годзе дзяржаўнай падтрымкі ў выглядзе выдзялення з мясцовых бюджэтаў субсідый (пакрыцця затрат) юрыдычным асобам і індывідуальным прадпрымальнікам на мэты, звязаныя з аказаннем бытавых паслуг у сельскай мясцовасці ў рамках дзяржаўных праграм.
Дакумент накіраваны на стымуляванне прадпрымальніцкай актыўнасці, стварэнне рабочых месц, забеспячэнне якасці і даступнасці бытавых паслуг у сельскай мясцовасці.-0-
