29 жніўня, Мінск /Кар. БЕЛТА/. Банк развіцця Беларусі абмяркоўвае з Міжнародным банкам рэканструкцыі і развіцця (МБРР) прыцягненне пазыкі на $60 млн для падтрымкі малога і сярэдняга бізнесу. Гэта вынікае з указа Прэзідэнта Беларусі Аляксандра Лукашэнкі нумар 300 ад 24 жніўня "Аб прыцягненні знешняй пазыкі і праекце міжнароднага дагавора", які апублікаваны на Нацыянальным прававым інтэрнэт-партале, паведамляе БЕЛТА.
Кіраўнік дзяржавы згадзіўся з прыцягненнем Банкам развіцця Беларусі знешняй пазыкі Міжнароднага банка рэканструкцыі і развіцця ў суме $60 млн. Яна будзе выдадзена пад гарантыю ўрада на фінансаванне праекта "Пашырэнне доступу да фінансавання мікра-, малых і сярэдніх прадпрыемстваў у Рэспубліцы Беларусь".
Савету Міністраў даручана забяспечыць прадастаўленне гарантыі ўрада МБРР у пагашэнні гарантаванай пазыкі, а таксама ў выплаце працэнтаў і іншых плацяжоў у адпаведнасці з умовамі пазыкі.
Прэзідэнт адобрыў праект адпаведнага гарантыйнага пагаднення ў якасці асновы для перагавораў і ўпаўнаважыў Міністэрства эканомікі на іх правядзенне і падпісанне дакумента пры дасягненні дамоўленасцей.-0-
