19 лютага, Мінск /Кар. БЕЛТА/. Аляксандр Худалееў вызвалены ад пасады намесніка міністра па надзвычайных сітуацыях і назначаны першым намеснікам міністра па надзвычайных сітуацыях. Адпаведны ўказ Прэзідэнт Беларусі Аляксандр Лукашэнка падпісаў 19 лютага, паведамілі БЕЛТА ў прэс-службе кіраўніка дзяржавы.
Васіль Сцепаненка, які раней займаў гэту пасаду, звольнены са службы ў органах і падраздзяленнях па надзвычайных сітуацыях у запас па ўзросце з правам нашэння ўстаноўленай формы адзення і знакаў адрознення.
Яшчэ адным указам Аляксандр Лукашэнка назначыў Анатоля Даўгаляўца намеснікам міністра па надзвычайных сітуацыях.-0-