12 студзеня, Мінск /Кар. БЕЛТА/. Замежныя дыпламаты азнаёміліся з парадкам бязвізавага ўезду ў Беларусь для грамадзян сваіх краін, паведамілі БЕЛТА ў прэс-службе Міністэрства замежных спраў Беларусі.
У МЗС адбылася сустрэча начальніка галоўнага консульскага ўпраўлення Ігара Фісенкі, начальніка ўпраўлення агульнаеўрапейскага супрацоўніцтва Андрэя Бушылы і начальніка ўпраўлення Еўразійскай інтэграцыі Аляксея Самасуева з кіраўніцтвам і прадстаўнікамі акрэдытаваных у Мінску дыпламатаў краін - членаў ЕС, ЗША, Японіі, Паўднёвай Карэі, Нарвегіі і Ватыкана.
У час сустрэчы замежныя дыпламаты былі падрабязна праінфармаваны аб змесце і дэталях указа "Аб устанаўленні бязвізавага парадку ўезду і выезду замежных грамадзян". Было падкрэслена, што пры прыняцці адпаведнага рашэння Беларусь улічвала сваё старшынства ў Цэнтральнаеўрапейскай ініцыятыве і правядзенне ў краіне сесіі Парламенцкай асамблеі АБСЕ ў ліпені 2017 года.
У МЗС падкрэслілі зацікаўленасць Беларусі ў актывізацыі супрацоўніцтва ў палітычнай, гандлёва-эканамічнай і іншых сферах з названымі краінамі.
Асобна на сустрэчы абмяркоўвалася рэгіянальная сітуацыя.-0-
