9 лютага, Мінск /Кар. БЕЛТА/. У Беларусь для ўдзелу ў рэгіянальным форуме нацыянальных каардынатараў па мэтах устойлівага развіцця чакаецца прыбыццё кіраўніцтва шэрага структур сістэмы ААН і высокіх прадстаўнікоў больш як 40 краін Еўропы і Цэнтральнай Азіі. Аб гэтым БЕЛТА паведамілі ў прэс-службе МЗС Беларусі.
Падрыхтоўка да рэгіянальнага форуму абмеркавана 9 лютага на сустрэчы намесніка міністра замежных спраў Беларусі Андрэя Дапкюнаса з пастаянным каардынатарам ААН у Беларусі Санакам Самарасінхам.
Форум пройдзе ў Мінску 21-22 лютага па ініцыятыве Беларусі і пры садзейнічанні ААН. У яго рабоце прыме ўдзел першы намеснік Генеральнага сакратара Арганізацыі Аб'яднаных Нацый Аміна Махамед.-0-