Мабільная версія
ДЗЯРЖОРГАНЫ
Апошнія навіны
Усе навіны

Вынікі прэзідэнцкіх выбараў у Расіі не паўплываюць на адносіны з Беларуссю - Сурыкаў

Палітыка 12.03.2018 | 11:24
Аляксандр Сурыкаў. Фота з архіва
Аляксандр Сурыкаў. Фота з архіва

12 сакавіка, Мінск /Кар. БЕЛТА/. Вынікі прэзідэнцкіх выбараў у Расіі не паўплываюць на адносіны з Беларуссю. Такое меркаванне 11 сакавіка ў эфіры тэлеканала АНТ выказаў Надзвычайны і Паўнамоцны Пасол Расіі ў Беларусі Аляксандр Сурыкаў, паведамляе БЕЛТА.

Пасол не думае, што вынікі выбараў у Расіі могуць нейкім чынам паўплываць на адносіны з Беларуссю. "У нас даўнія брацкія адносіны. Мы даўно вызначыліся са сваімі перавагамі, утварылі Саюзную дзяржаву, рухаемся ў яе рамках", - сказаў Аляксандр Сурыкаў. Ён назваў Саюзную дзяржаву самым паспяховым і развітым інтэграцыйным аб'яднаннем на постсавецкай прасторы. Саюзныя адносіны распаўсюджваюцца не толькі на эканоміку, як у ЕАЭС, але і на міжнародную дзейнасць, абаронную, ваенна-тэхнічную сферу, ахову здароўя, адукацыю, культуру. Саюзная дзяржава па сваёй інтэграцыйнай сіле больш магутная, чым любое інтэграцыйнае аб'яднанне на прасторах былога Савецкага Саюза, адзначыў дыпламат.

"Іскры паміж намі бываюць. Асабліва ў галіне эканамічных узаемаадносін. Але нічога сур'ёзнага, што магло б паўплываць на фармат нашых адносін, я не бачу, - дадаў ён. - Выбары могуць толькі ўмацаваць усе фарматы нашай садружнасці".

Каменціруючы апошнія спрэчкі па пастаўках беларускай прадукцыі ў Расію, Аляксандр Сурыкаў падкрэсліў, што такія іскры павінны гасіцца "сумеснымі кансультацыямі расійскіх і беларускіх службаў і пошукам кансэсусу ў вырашэнні таго ці іншага пытання па якасці прадукцыі". Пры гэтым дыпламат прызнаўся, што сам аддае перавагу беларускай малочнай прадукцыі, напрыклад, сырам, у якіх гарантавана няма пальмавага, соевага алею.

Прэзідэнцкія выбары ў Расіі пройдуць 18 сакавіка.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусь і Расія: гандлёва-эканамічнае супрацоўніцтва Беларусь захоўвае лідзіруючыя пазіцыі сярод гандлёвых партнёраў Расіі ў СНД. У сваю чаргу Расія традыцыйна застаецца асноўным гандлёвым партнёрам Беларусі.