Мабільная версія
ДЗЯРЖОРГАНЫ
Апошнія навіны
Усе навіны

"Усходняе партнёрства" і Вышаградская група вызначылі ў ліку прыярытэтаў трансгранічнае, адукацыйнае супрацоўніцтва

Палітыка 15.03.2017 | 15:21

15 сакавіка, Мінск /Аліна Грышкевіч - БЕЛТА/. "Усходняе партнёрства" і Вышаградская група вызначылі ў ліку прыярытэтаў трансгранічнае, транспартнае і адукацыйнае супрацоўніцтва. Аб гэтым заявіў намеснік міністра замежных спраў Беларусі Алег Краўчанка па выніках рабочай сустрэчы ў Мінску намеснікаў кіраўнікоў знешнепалітычных ведамстваў краін - удзельніц Вышаградскай групы і "Усходняга партнёрства", перадае карэспандэнт БЕЛТА.

Намеснік міністра падкрэсліў, што мерапрыемства адбылося ў рамках беларускага старшынства ў ЦЕІ і польскага старшыні ў Вышаградскай групе. Ён адзначыў важнасць таго, што Беларусь была прымаючым бокам і суарганізатарам сустрэчы, на якой абмяркоўваліся важныя для краін - партнёраў тэмы. "Гэта сведчыць пра агульныя інтарэсы краін і імкненне развіваць дружалюбныя адносіны ў цяперашняй няпростай абстаноўцы", - сказаў Алег Краўчанка.

Паводле яго слоў, на мерапрыемстве абмяркоўваліся пытанні рэгіянальнага і агульнаеўрапейскага парадку дня, у тым ліку развіцця ўзаемадзеяння на мясцовым і рэгіянальным узроўнях у сферах трансгранічнага, транспартнага і адукацыйнага супрацоўніцтва. Бакі вылучылі шэраг ініцыятыў для сумеснай рэалізацыі "Усходнім партнёрствам" і Вышаградскай групай.

Алег Краўчанка таксама выказаў надзею, што правядзенне гэтай сустрэчы паслужыць рэалізацыі агульных мэт у рэгіёне.

Сустрэча ў Мінску адбылася напярэдадні маючага адбыцца ў красавіку ў Варшаве пасяджэння на ўзроўні міністраў замежных спраў краін "Усходняга партнёрства" і Вышаградскай групы. У Бруселі ў лістападзе запланаваны саміт "Усходняга партнёрства".-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

IV Форум рэгіёнаў Беларусі і Расіі IV Форум рэгіёнаў Беларусі і Расіі прызначаны садзейнічаць пашырэнню кантактаў і ўдасканаленню прававой базы для паскоранага развіцця эканомік дзвюх дзяржаў.