15 лістапада, Мінск /Кар. БЕЛТА/. Прэзідэнцкія і парламенцкія выбары ў Беларусі ў 2020 годзе сумяшчацца не будуць, заявіла сёння журналістам старшыня Цэнтрвыбаркама Лідзія Ярмошына, перадае карэспандэнт БЕЛТА.
"Мы не будзем праводзіць іх разам, гэта адназначна. У кіраўніка дзяржавы ёсць выразная пазіцыя наконт гэтага. Ён даўно заявіў, што прэзідэнцкая кампанія не можа сумяшчацца ні з якой іншай", - падкрэсліла Лідзія Ярмошына.
"Таму я адразу магу сказаць: паколькі ў нас тэрмін паўнамоцтваў у парламента і Прэзідэнта завяршаецца адначасова і выбары павінны праходзіць адначасова, у 2020 годзе, то, зразумела, будзе прымацца палітычнае рашэнне аб разводзе гэтых кампаній. Але якая будзе больш ранняя, а якая будзе праходзіць у свае тэрміны, я гэтага не ведаю, гэта не пытанні кампетэнцыі Цэнтральнай камісіі", - заявіла яна.
Згодна з календаром выбараў і рэферэндумаў, апублікаваным на сайце Цэнтрвыбаркама, прэзідэнцкія выбары ў 2020 годзе павінны прайсці не пазней за 20 жніўня, выбары дэпутатаў Палаты прадстаўнікоў - не пазней за 10 верасня, а выбары членаў Савета Рэспублікі - не пазней за 11 верасня.-0-