Мабільная версія
ДЗЯРЖОРГАНЫ
Апошнія навіны
Усе навіны

Пірштук адзначыў актывізацыю беларуска-славацкіх кантактаў у міжнародных арганізацыях

Палітыка 14.11.2017 | 15:01
У час сустрэчы. Фота Палаты прадстаўнікоў Нацыянальнага сходу Беларусі
У час сустрэчы. Фота Палаты прадстаўнікоў Нацыянальнага сходу Беларусі

14 лістапада, Мінск /Кар. БЕЛТА/. Намеснік старшыні Палаты прадстаўнікоў Нацыянальнага сходу Беларусі Баляслаў Пірштук сёння на сустрэчы са старшынёй Камітэта па ахове здароўя Нацыянальнага савета Славакіі Штэфанам Зельнікам адзначыў актывізацыю беларуска-славацкіх кантактаў у міжнародных арганізацыях, перадае карэспандэнт БЕЛТА.

Баляслаў Пірштук, у прыватнасці, нагадаў, што ў ліпені ў Мінску прайшла 26-я летняя сесія Парламенцкай асамблеі АБСЕ, а на 28 лістапада запланавана вялікае мерапрыемства па лініі Цэнтральна-Еўрапейскай ініцыятывы (ЦЕІ), у якой Беларусь старшынствуе ў 2017 годзе, - пасяджэнне Парламенцкай асамблеі ЦЕІ. Яе ўдзельнікамі, як чакаецца, стануць кіраўнікі парламентаў розных краін, у тым ліку Славакіі, якая з'яўляецца членам арганізацыі. "Гэта добрыя пляцоўкі, дзе мы на дэпутацкім узроўні можам быць карысныя адзін аднаму і аказваць падтрымку па пазіцыях, якія для нас прынцыповыя", - сказаў віцэ-спікер.

Ён таксама выказаў меркаванне, што ў цэлым беларуска-славацкія адносіны апошнія гады развіваюцца даволі плённа, праходзяць двухбаковыя візіты, пашыраюцца кантакты на ўрадавым і парламенцкім узроўнях. Баляслаў Пірштук упэўнены, што пры такім падыходзе да работы вынікі могуць быць больш канкрэтнымі. У тым ліку яны павінны паўплываць на тавараабарот, які да гэтага часу знізіўся, аднак яшчэ пяць гадоў таму быў значна большым. Магчымасці для гэтага ёсць, лічыць намеснік старшыні Палаты прадстаўнікоў.

У сваю чаргу Штэфан Зельнік адзначыў, што неабходна інтэнсіфікаваць сувязі ў сферах аховы здароўя, прамысловасці, культуры і асабліва сельскай гаспадаркі, дзе Беларусь дасягнула значных вынікаў і можа шмат чаму навучыць Славакію.-0-

Фота Палаты прадстаўнікоў Нацыянальнага сходу Беларусі

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.