22 студзеня, Мінск /Аліна Грышкевіч - БЕЛТА/. Пакістан упэўнены ў вялікіх перспектывах супрацоўніцтва з Беларуссю. Аб развіцці беларуска-пакістанскіх сувязей ішла размова сёння на сустрэчы з Прэзідэнтам Беларусі Аляксандрам Лукашэнкам Надзвычайнага і Паўнамоцнага Пасла Ісламскай Рэспублікі Пакістан Масуда Хана Раджы з нагоды завяршэння яго дыпламатычнай місіі ў нашай краіне, перадае карэспандэнт БЕЛТА.
Дыпламат сказаў, што для яго быў вялікі гонар працаваць у Беларусі. "У час сваёй дыпламатычнай місіі я атрымліваў усё неабходнае садзейнічанне з боку беларускага кіраўніцтва", - адзначыў ён.
Пасол падкрэсліў вялікую ролю лідараў дзвюх краін у пашырэнні беларуска-пакістанскага супрацоўніцтва, якое, на яго думку, мае вялікі патэнцыял развіцця.-0-