16 ліпеня, Мінск /Кар. БЕЛТА/. Пасяджэнне Еўразійскага міжурадавага савета пройдзе 26-27 ліпеня ў Санкт-Пецярбургу, паведамляе БЕЛТА са спасылкай на сайт урада Расіі.
Пасяджэнне Еўразійскага міжурадавага савета адбудзецца з удзелам Арменіі, Беларусі, Казахстана, Кыргызстана і Расіі.
У цэнтры ўвагі сустрэчы будуць пытанні лічбавага развіцця дзяржаў Еўразійскага эканамічнага саюза, узаемадзеяння ў сферах энергетыкі і транспарту, прамысловай кааперацыі і мытнага супрацоўніцтва, удасканалення нарматыўна-прававой базы ЕАЭС.-0-