7 верасня, Мінск /Кар. БЕЛТА/. Старшыня Пастаяннай камісіі Палаты прадстаўнікоў Нацыянальнага сходу Беларусі па міжнародных справах Валерый Варанецкі прыняў удзел у Парламенцкай канферэнцыі Балтыйскага мора, якая праходзіла ў г. Гамбургу (Германія), паведамілі БЕЛТА ў прэс-службе Палаты прадстаўнікоў.
У прыватнасці, адбыліся рабочыя сустрэчы Валерыя Варанецкага з кіраўніцтвам і прадстаўнікамі парламентаў - членаў Парламенцкай канферэнцыі Балтыйскага мора. Размова ішла аб далейшым парламенцкім узаемадзеянні з краінамі рэгіёна Балтыйскага мора ў мэтах пашырэння нацыянальных інтарэсаў Беларусі.
Акрамя таго, былі арганізаваны дыскусіі па пытаннях развіцця супрацоўніцтва ў рэгіёне. У тым ліку абмяркоўваліся Стратэгія ЕС для рэгіёна Балтыйскага мора, інфармацыйныя тэхналогіі, навука і даследаванні, кіраванне прыродакарыстаннем і стан Балтыйскага мора, устойлівы турызм, міграцыя і інтэграцыя.-0-
