Мабільная версія
ДЗЯРЖОРГАНЫ
Апошнія навіны
Усе навіны

Парламенцкая група па справах беларусаў замежжа будзе пашыраць эканамічныя і культурныя сувязі

Палітыка 26.12.2017 | 09:07
Ігар Марзалюк. Фота з архіва
Ігар Марзалюк. Фота з архіва

26 снежня, Мінск /Кар. БЕЛТА/. Створаная ў парламенце рабочая група па справах беларусаў замежжа дапаможа пашырыць эканамічныя і культурныя сувязі з суайчыннікамі, якія пражываюць за мяжой, паведаміў карэспандэнту БЕЛТА старшыня Пастаяннай камісіі Палаты прадстаўнікоў па адукацыі, культуры і навуцы Ігар Марзалюк.

Паводле слоў парламентарыя, які ўзначальвае гэту групу, беларусы замежжа самі звярнуліся ў парламент з просьбай аб стварэнні такой структуры. На пасяджэнні Савета Палаты прадстаўнікоў, якое адбылося пад старшынствам спікера Уладзіміра Андрэйчанкі, было прынята адпаведнае рашэнне. "Мы параіліся і вырашылі, што будзе правільна стварыць групу для кантактаў з нашай дыяспарай, з тымі, хто працуе і жыве ў розных краінах свету, але пры гэтым захоўвае сваю культурную ідэнтычнасць", - сказаў Ігар Марзалюк.

Работа парламенцкай групы будзе пераважна грунтавацца на пашырэнні эканамічных і культурных кантактаў. "Важнейшая задача - наладжванне пазітыўных і канструктыўных адносін. Гэта вельмі важны знакавы момант, які сведчыць, што беларускае грамадства ў цэлым падзяляе адны і тыя ж каштоўнасці сваёй дзяржаўнасці і настроена на канструктыўную работу. Мы вельмі хочам, каб тыя, хто жыве і ў Штатах, і ў Расіі, працавалі на карысць беларускай дзяржавы", - заўважыў старшыня пастаяннай камісіі.

Як паведамлялася, з боку Палаты прадстаўнікоў у рабочую групу ўвайшлі дэпутаты Вольга Папко, Валянціна Ражанец і Алена Анісім. Ігар Марзалюк чакае, што хутка да іх далучацца і члены верхняй палаты беларускага парламента.

У 2014 годзе Нацыянальным сходам быў прыняты закон аб беларусах замежжа. Адпаведны законапраект быў падрыхтаваны Міністэрствам замежных спраў і Міністэрствам культуры пры ўдзеле зацікаўленых міністэрстваў і ведамстваў. Дакументам рэгулюецца парадак аднясення асоб да беларусаў замежжа, а таксама рэгламентуюцца меры дзяржаўнай падтрымкі гэтай катэгорыі грамадзян. На думку Ігара Марзалюка, дзеючы закон пакуль не мае патрэбы ў карэктывах.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Каляндар выпускніка-2018 30 мая - апошні званок для выпускнікоў 9-х і 11-х класаў; 1-9 чэрвеня - выпускныя экзамены за 9-я і 11-я класы; 9-10 чэрвеня - выпускныя вечары для вучняў 11-х (12-х) класаў; 2 мая - 1 чэрвеня - рэгістрацыя на ЦТ (30 чэрвеня - 3 ліпеня - рэгістрацыя на ЦТ у рэзервовыя дні); 12 чэрвеня - 2 ліпеня - асноўны этап ЦТ (6, 8 і 10 ліпеня - рэзервовыя дні ЦТ).