Сцяг Пятніца, 29 сакавіка 2024
Усе навіны
Усе навіны
Палітыка
05 ліпеня 2018, 15:51

Парламенцкая дэлегацыя Беларусі прыме ўдзел у сесіі ПА АБСЕ ў Берліне

5 ліпеня, Мінск /Кар. БЕЛТА/. Парламенцкая дэлегацыя Беларусі на чале з намеснікам старшыні Палаты прадстаўнікоў Баляславам Пірштуком прыме ўдзел у 27-й штогадовай сесіі Парламенцкай асамблеі Арганізацыі па бяспецы і супрацоўніцтве ў Еўропе (ПА АБСЕ), якая пройдзе ў Берліне 7-11 ліпеня. Аб гэтым БЕЛТА паведамілі ў прэс-службе Палаты прадстаўнікоў.

Асноўная тэма сесіі - "Выкананне абавязацельстваў у рамках АБСЕ: роля парламентаў". Яна будзе прысвечана эфектыўным заканадаўчым мерам, якія неабходна прымаць дзяржавам-удзельніцам для ўмацавання міжнароднага супрацоўніцтва і выканання абавязацельстваў па падтрыманні міру і бяспекі ў рэгіёне АБСЕ, растлумачылі ў прэс-службе.

Беларуская дэлегацыя, у якую ўвайшлі таксама старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рахманаў і старшыня Пастаяннай камісіі Палаты прадстаўнікоў па міжнародных справах Валерый Варанецкі, правядзе на палях сесіі шэраг двухбаковых сустрэч з кіраўнікамі і членамі дэлегацый краін - удзельніц АБСЕ, іншымі афіцыйнымі асобамі.

Штогадовая сесія завершыцца 11 ліпеня выбарамі старшыні ПА АБСЕ, яго намеснікаў, іншых службовых асоб асамблеі, а таксама прыняццем Берлінскай дэкларацыі, у якую ўвойдуць тры рэзалюцыі агульных камітэтаў ПА АБСЕ і шэраг дадатковых рэзалюцый.

Як паведамлялася, Беларусь рыхтуе на сесію ПА АБСЕ рэзалюцыю, накіраваную на развіццё лічбавай эканомікі. Яна таксама прысвечана пытанням эканамічнага росту ў рэгіёне АБСЕ, устараненню розных перашкод і бар'ераў, гарманізацыі стандартаў.-0-

Падпісвайцеся на нас у
Twitter
Топ-навіны
Свежыя навіны Беларусі