Мабільная версія
ДЗЯРЖОРГАНЫ
Апошнія навіны
Усе навіны

Папраўкі беларускіх парламентарыяў уключаны ў рэзалюцыю агульных камітэтаў ПА АБСЕ

Палітыка 10.07.2018 | 09:01

10 ліпеня, Мінск /Кар. БЕЛТА/. Папраўкі беларускіх парламентарыяў уключаны ў рэзалюцыі агульных камітэтаў Парламенцкай асамблеі Арганізацыі па бяспецы і супрацоўніцтве ў Еўропе (ПА АБСЕ), паведамілі БЕЛТА ў прэс-службе Палаты прадстаўнікоў.

Члены парламенцкай дэлегацыі Беларусі 9 ліпеня на 27-й штогадовай сесіі Парламенцкай асамблеі АБСЕ ў Берліне прынялі ўдзел у рабоце агульных камітэтаў ПА АБСЕ па палітычных пытаннях і бяспецы, па эканамічных пытаннях, навуцы, тэхналогіі і навакольным асяроддзі, па пытаннях дэмакратыі, правоў чалавека і гуманітарных пытаннях. Увазе парламентарыяў былі прапанаваны тры рэзалюцыі агульных камітэтаў ПА АБСЕ, а таксама дадатковыя рэзалюцыі, якія датычацца самых розных пытанняў, у тым ліку барацьбы з гандлем людзьмі, прадухілення тэрарызму, пашырэння ўзаемазвязанасці ў рэгіёне АБСЕ праз развіццё транспартных сувязей і калідораў, узаемазвязанасці і спалучанасці інтэграцыйных працэсаў у рэгіёне АБСЕ. "Беларускія парламентарыі прадставілі шэраг паправак да праектаў рэзалюцый агульных камітэтаў, большасць якіх былі падтрыманы членамі асамблеі і былі ўключаны ў рэзалюцыі агульных камітэтаў ПА АБСЕ", - праінфармавалі ў прэс-службе.

На пасяджэнні агульнага камітэта ПА АБСЕ па пытаннях дэмакратыі, правоў чалавека і гуманітарных пытаннях выступіў член Савета Рэспублікі Сяргей Рахманаў. Ён заявіў, што міжнародныя намаганні па пашырэнні і абароне правоў і свабод чалавека павінны быць накіраваны на ўмацаванне мер, якія прымаюць на нацыянальным узроўні дзяржавы. Пры гэтым важна пазбягаць палітызацыі тэмы, асноўвацца на прынцыпах бесстароннасці і ўзаемнай павагі.

У час сесіі беларускія парламентарыі правялі сустрэчы з кіраўнікамі і членамі дэлегацый Расіі, Азербайджана, Швейцарыі, Узбекістана, Казахстана, Аўстрыі, Германіі, Арменіі і іншых дзяржаў - удзельніц АБСЕ. Былі абмеркаваны актуальныя пытанні міжпарламенцкага ўзаемадзеяння на пляцоўцы ПА.

Як паведамлялася, парламенцкая дэлегацыя Беларусі на часе з віцэ-спікерам Палаты прадстаўнікоў Баляславам Пірштуком прымае ўдзел у 27-й штогадовай сесіі ПА АБСЕ, што праходзіць у Берліне. Асноўная тэма сесіі - "Выкананне абавязацельстваў у рамках АБСЕ: роля парламентаў". Яна прысвечана эфектыўным заканадаўчым мерам, якія неабходна прымаць дзяржавам-удзельніцам для ўмацавання міжнароднага супрацоўніцтва і выканання абавязацельстваў адносна падтрымання міру і бяспекі ў рэгіёне АБСЕ. Сесія завершыцца 11 ліпеня выбарамі старшыні ПА АБСЕ, яго намеснікаў, іншых службовых асоб асамблеі, а таксама прыняццем Берлінскай дэкларацыі, у якую ўвойдуць тры рэзалюцыі агульных камітэтаў ПА АБСЕ і дадатковыя рэзалюцыі.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Прафілактыка атручэнняў грыбамі У Беларусі з пачатку года зарэгістравана 18 выпадкаў атручэння грыбамі, пры якіх пацярпелі 20 чалавек.