Мабільная версія
ДЗЯРЖОРГАНЫ
Апошнія навіны
Зіма ў Налібоцкай пушчы
Учора 17:31 Фотарэпартаж
Усе навіны

Памочнікі дэпутатаў і экс-кандыдат у прэзідэнты вылучаны на мясцовых выбарах па Мінску

Палітыка 12.01.2018 | 13:39
Лідзія Ярмошына
Лідзія Ярмошына

12 студзеня, Мінск /Кар. БЕЛТА/. Памочнікі дэпутатаў Палаты прадстаўнікоў, кіраўнікі кінатэатраў і экс-кандыдат у прэзідэнты вылучыліся на мясцовых выбарах па Мінску, паведаміла сёння журналістам старшыня Цэнтрвыбаркама Беларусі Лідзія Ярмошына, перадае карэспандэнт БЕЛТА.

"У Мінску балаціруюцца два дырэктары кінатэатраў - "Салют" і "Камсамолец", два памочнікі дэпутатаў Палаты прадстаўнікоў, чатыры студэнты ВНУ і два адвакаты", - расказала Лідзія Ярмошына.

Акрамя таго, сярод тых, хто падаў дакументы на вылучэнне, экс-кандыдат на апошніх прэзідэнцкіх выбарах, прарэктар па вучэбнай рабоце БНТУ, генеральны дырэктар ААТ "Мінскі завод грамадзянскай авіяцыі", дырэктар УП "Універмаг "Беларусь", генеральны дырэктар Нацыянальнага аэрапорта Мінск, галоўны ўрач 36-й паліклінікі, дырэктар ААТ "Галантэя", старшыня Мінскага гарадскога Савета дэпутатаў, дырэктар Беларускага дзяржаўнага акадэмічнага музычнага тэатра, першы прарэктар МІТСО, генеральны дырэктар страхавой кампаніі "Белдзяржстрах".

Ёсць таксама адзін грамадзянін Беларусі, які, паводле слоў Лідзіі Ярмошынай, актыўна ўдзельнічае ва ўсіх выбарчых кампаніях, асабліва прэзідэнцкіх, але статус кандыдата пакуль не атрымаў. "Нядаўна ён падаў заяву ў адрас маёй калегі Элы Памфілавай (старшыні ЦВК Расіі. - Заўвага БЕЛТА) аб рэгістрацыі яго кандыдатам у прэзідэнты Расійскай Федэрацыі", - адзначыла кіраўнік беларускага Цэнтрвыбаркама.

Мясцовыя выбары пройдуць у Беларусі 18 лютага, прагаласаваць датэрмінова можна будзе з 13 па 17 лютага. Кандыдатамі ў дэпутаты вылучаны 22,7 тыс. чалавек. Цяпер пададзеныя на вылучэнне дакументы праходзяць праверку ў мясцовых выбаркамах, на падставе гэтага будуць прымацца рашэнні аб рэгістрацыі кандыдатаў у дэпутаты. Гэты этап выбарчай кампаніі прадоўжыцца па 18 студзеня. Адразу пасля рэгістрацыі кандыдаты могуць пачаць агітацыю - выступаць у СМІ, праводзіць мітынгі і пікеты, знаёміць выбаршчыкаў са сваімі праграмамі. Агітацыя прадоўжыцца па 17 лютага ўключна, у асноўны дзень выбараў яна забаронена.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аб'ёмы продажаў тавараў народнага спажывання ў 2017 годзе Нацыянальны статыстычны камітэт падвёў вынікі работы арганізацый гандлю ў 2017 годзе. У табліцы прыведзены аб'ёмы продажаў тавараў у параўнанні з узроўнем 2016 года ў супастаўных цэнах.