17 мая, Мінск /Кар. БЕЛТА/. Намеснік міністра замежных спраў Беларусі Алег Краўчанка 16 мая правёў сустрэчу з дэлегацыяй Эстонскага цэнтра "Усходняга партнёрства" на чале з дырэктарам цэнтра, паслом па асаблівых даручэннях па пытаннях "Усходняга партнёрства" Міністэрства замежных спраў Эстоніі Яанам Рэйнхальдам. Аб гэтым БЕЛТА паведамілі ў прэс-службе МЗС Беларусі.
"Бакі абмеркавалі перспектывы супрацоўніцтва Рэспублікі Беларусь з эстонскім старшынствам у Еўрапейскім саюзе ў другой палавіне 2017 года і падыходы беларускага боку да ўдзелу ў ініцыятыве ЕС "Усходняе партнёрства", - праінфармавалі ў беларускім знешнепалітычным ведамстве.-0-