5 ліпеня, Мінск /Кар. БЕЛТА/. Рашэнне аб стварэнні Камітэта па процідзеянні тэрарызму прынята сёння на пасяджэнні 26-й штогадовай сесіі Парламенцкай асамблеі АБСЕ, якая праходзіць у Мінску. Такая інфармацыя размешчана на афіцыйным твітар-акаўнце ПА АБСЕ, паведамляе БЕЛТА.
"Пастаянны камітэт аднагалосна прыняў рашэнне аб стварэнні Камітэта па процідзеянні тэрарызму на 26-й штогадовай сесіі", - гаворыцца ў паведамленні.
Сёння ў Мінску пачала работу 26-я летняя сесія Парламенцкай асамблеі Арганізацыі па бяспецы і супрацоўніцтве ў Еўропе. У гэтым годзе форум прысвечаны ўмацаванню ўзаемнага даверу і супрацоўніцтва ў імя міру і працвітання ў рэгіёне.
Рэзалюцыі, прынятыя па выніках дыскусій, будуць пакладзены ў аснову Мінскай дэкларацыі, у якой будуць сфармуляваны рэкамендацыі для нацыянальных урадаў, парламентаў і міжнароднай супольнасці па рэагаванні на актуальныя выклікі і пагрозы.-0-
