6 жніўня, Мінск /Кар. БЕЛТА/. Міністэрства замежных спраў Беларусі назвала спробу замаху на жыццё прэзідэнта Венесуэлы варварскім і бесчалавечным актам тэрарызму. Аб гэтым гаворыцца ў афіцыйным акаўнце ў Facebook.
"Спроба замаху 4 жніўня на жыццё прэзідэнта Баліварыянскай Рэспублікі Венесуэла Нікаласа Мадуры, у выніку якой атрымалі раненні 7 чалавек, з'яўляецца варварскім і бесчалавечным актам тэрарызму. Выкарыстанне такіх агідных метадаў у палітычнай барацьбе не будзе ніколі прынята Беларуссю. Мы будзем заўсёды непрымірымымі да любых праяў тэрору і насілля", - гаворыцца ў заяве.
Толькі народ Венесуэлы і выключна шляхам мірнага дыялогу ў рамках прававога поля і Канстытуцыі мае права вызначаць метады вырашэння складаных сітуацый і спосабы вырашэння ўсіх рознагалоссяў у венесуэльскім грамадстве, адзначылі ў МЗС.
"У гэты цяжкі момант Беларусь побач з Венесуэлай. Жадаем хутчэйшага выздараўлення пацярпелым", - гаворыцца ў паведамленні.-0-
