Мабільная версія
ДЗЯРЖОРГАНЫ
Апошнія навіны
Усе навіны

МЗС Беларусі і Расіі маюць намер праводзіць сумесныя інфармацыйныя кампаніі ў сацсетках

Палітыка 19.06.2017 | 16:31

19 чэрвеня, Мінск /Кар. БЕЛТА/. Міністэрствы замежных спраў Беларусі і Расіі маюць намер праводзіць сумесныя інфармацыйныя кампаніі ў сацыяльных сетках да сумесных памятных дат і значных падзей у гісторыі дзвюх краін. Гэта пытанне абмяркоўвалася сёння ў Мінску ў час чарговага раўнда кансультацый паміж міністэрствамі замежных спраў па пытаннях інфармацыйнага суправаджэння знешнепалітычнай дзейнасці, паведамілі БЕЛТА ў прэс-службе МЗС Беларусі.

"У час кансультацый абмеркаваны вопыт выкарыстання дыпламатычнымі ведамствамі дзвюх краін сучасных механізмаў работы ў інфармацыйнай сферы, у тым ліку інструментаў лічбавай дыпламатыі. У гэтым кантэксце адзначана важнасць правядзення сумесных інфармацыйных кампаній у сацыяльных сетках, прымеркаваных да сумесных памятных дат і значных падзей у гісторыі дзвюх краін", - расказалі ў ведамстве.

Асаблівую ўвагу бакі ўдзялілі пытанням інфармацыйнага суправаджэння функцыянавання Еўразійскага эканамічнага саюза, у прыватнасці, намаганням, накіраваным на павышэнне міжнароднага аўтарытэту ЕАЭС. Таксама была закранута праблематыка ўзаемадзеяння па інфармацыйных пытаннях у фармаце міжнародных арганізацый.

Беларускі бок на мерапрыемстве ўзначаліў начальнік упраўлення інфармацыі - прэс-сакратар МЗС Дзмітрый Мірончык, расійскі - намеснік дырэктара дэпартамента інфармацыі і друку МЗС Аляксандр Бікантаў.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.