15 студзеня, Мінск /Кар. БЕЛТА/. Міністр замежных спраў Уладзімір Макей і пасол Грузіі ў Беларусі Валерый Кварацхелія абмеркавалі на сустрэчы ў Мінску рэалізацыю беларуска-грузінскіх дамоўленасцей, паведамілі БЕЛТА ў прэс-службе МЗС Беларусі.
Бакі адзначылі актывізацыю ў апошнія гады двухбаковага дыялогу на вышэйшым і высокім узроўнях. Быў таксама разгледжаны шырокі спектр пытанняў беларуска-грузінскага супрацоўніцтва, у тым ліку ход рэалізацыі раней дасягнутых дамоўленасцей, падрыхтоўка запланаваных на бліжэйшы час сумесных мерапрыемстваў.
Сустрэча адбылася ў сувязі з уручэннем Валерыем Кварацхелія копій даверчых грамат.-0-
